سچ ہے ہمیں کو آپ کے شکوے بجا نہ تھے

[Urooj Butt 861]

سچ ہے ہمیں کو آپ کے شکوے بجا نہ تھے
بے شک ستم جناب کے سب دوستانہ تھے

ہاں، جو جفا بھی آپ نے کی قاعدے سے کی
ہاں، ہم ہی کاربندِ اُصولِ وفا نہ تھے

آئے تو یوں کہ جیسے ہمیشہ تھے مہرباں
بُھولے تو یوں کہ گویا کبھی آشنا نہ تھے

کیوں دادِ غم ہمیں نے طلب کی، بُرا کیا
ہم سے جہاں میں کشتۂ غم اور کیا نہ تھے

گر فکرِ زخم کی تو خطاوار ہیں کہ ہم
کیوں محوِ مدح خوبیِ تیغِ ادا نہ تھے

ہر چارہ گر کو چارہ گری سے گریز تھا
ورنہ ہمیں جو دکھ تھے ، بہت لادوا نہ تھے

لب پر ہے تلخیِ مئے ایّام، ورنہ فیض
ہم تلخیِ کلام پہ مائل ذرا نہ تھے

 

[Waqas Dar 7,046]

@Urooj Butt   bohaaat umdaaa  

 

وقت گزرا ہوا ملا ہے مجھے
کوئی پہلے سے جانتا ہے مجھے

اپنے آغاز کی تلاش میں ہوں
اپنے انجام کا پتا ہے مجھے

بیٹھے بیٹھے اسی غبار کے ساتھ
اب تو اڑنا بھی آ گیا ہے مجھے

رات جو خواب دیکھتا ہوں میں
صبح وہ خواب دیکھتا ہے مجھے

میں نے جینے میں احتیاط نہ کی
روگ یونہی نہیں لگا ہے مجھے

میں صداؤں میں سانس لیتا ہوں
ایک درویش کی دعا ہے مجھے

یہ طلسمِ غمِ جہاں مہدیؔ
ٹوٹتا ہے نہ توڑتا ہے مجھے

[Zarnish Ali 7,895]

یہ خواب ھے خوشبو ھے کہ جھونکا ھے کہ پل ھے
 یہ دھند ھے بادل ھے کہ سایہ ھے کہ تم ہو