poetry جو مخالف تھے کبھی شہر میں دیوانوں کے

[Urooj Butt👑]

جو مخالف تھے کبھی شہر میں دیوانوں کے
آج مہمان ہی لوگ ہیں ویرانوں کے

تم کو آنا ہے تو آ جاؤ، ابھی زندہ ہوں
پھول مرجھائے نہیں ہیں ابھی گلدانوں کے

شمع کو اور کوئی کام نہ تھا محفل میں
رات بھر پَر ہی جلاتی رہی پروانوں کے

ایک تہمت بھی اگر اور لگائی ہم پر
راز ہم کھول کے رکھ دیں گے شبستانوں کے

تجھ کو معلوم نہیں گیسوئے برہم کا مزاج
روگ تجھ کو بھی نہ لگ جائیں پریشانوں کے

 

 

[waqas dar⚙]

 

 

  Very Nice .