چاہے اس کو خدا کہے کوئی

[Zarnish Ali 7,894]

 کب تلک مدعا کہے کوئی
نہ سنو تم تو کیا کہے کوئی

غیرت عشق کو قبول نہیں
کہ تجھے بے وفا کہے کوئی

منتِ ناخدا نہیں منظور
چاہے اس کو خدا کہے کوئی

ہر کوئی اپنے غم میں ہے مصروف
کس کو درد آشنا کہے کوئی

کون اچھا ہے اس زمانے میں
کیوں کسی کو برا کہے کوئی

کوئی تو حق شناس ہو یارب
ظلم کو ناروا کہے کوئی

وہ نہ سمجھیں گے ان کنایوں کو
جو کہے برملا کہے کوئی

آرزو ہے کہ میرا قصہء شوق
آج میرے سوا کہے کوئی

جی میں آتا ہے کچھ کہوں ناصر
کیا خبر سن کے کیا کہے کوئی

دیوان

(ناصر کاظمی)

 

[Waqas Dar 7,036]

دل میں اور تو کیا رکھا ہے

تیرا درد چھپا رکھا رکھا ہے

[Zarnish Ali 7,894]

حاِل دل ہم بھی ُسناتے لیکن
جب وہ ُرخصت ہوا تب یاد آیا

ناصر کاظمی