poetry Khush haal Se Tum Bh lgty ho

[Anabiya Haseeb 2,533]

خوش حال سے تم بھی لگتے ہو۔۔
یوں افسردہ تو ہم بھی نہیں۔۔
پر جاننے والے جانتے ہیں،
خوش ہم بھی نہیں، خوش تم بھی نہیں۔۔!
تم اپنی خودی کے پہرے میں،
اور دامِ غرور میں جکڑے ہوئے،
ہم اپنے زعم کے نرغے میں،
اَنا ہاتھ ہمارے پکڑے ہوئے،
اک مدّت سے غلطاں پیچاں،
تم ربط و گریز کے دھاروں میں،
ہم اپنے آپ سے اُلجھے ہوئے،
پچھتاوے کے انگاروں میں،
محصورِ تلاطم آج بھی ہو،
گو تم نے کنارے ڈھونڈ لیے،
طوفان سے سنبھلے ہم بھی نہیں۔۔
کہنے کو سہارے ڈھونڈ لیے،
خاموش سے تم ہم مُہر بہ لب،
جُگ بِیت گئے ٹُک بات کیے،
سنو کھیل ادھورا چھوڑتے ہیں،
بِنا چال چلے بِنا مات کیے،
جو بھاگتے بھاگتے تھک جائیں،
وہ سائے رُک بھی سکتے ہیں۔۔
چلو توڑو قسم اقرار کریں۔۔
ہم دونوں جھک بھی سکتے ہیں۔۔????
۔۔۔۔
 

[Waqas Dar 7,050]

 

کب تلک شمع جلی یاد نہیں
شام غم کیسے ڈھلی یاد نہیں
اس قدر یاد ہے اپنے تھے سبھی
کس نے کیا چال چلی یاد نہیں

[Zarnish Ali 7,895]

اس نے بس ایک ہی آواز پہ آجانا تھا ...!!!
مجھ سے گُم ہوگئے الفاظ بلانے والے ...!!!

[Waqas Dar 7,050]

یہ ایک ابر کا ٹکڑا کہاں کہاں برسے؟

! تمام دشت ہی پیاسا دکھائی دیتا ہے 

[Zarnish Ali 7,895]

جن کہ ہونٹوں پہ ہسی پاوں میں چھالے ہوں گے
ہاں وہی لوگ تیرے چاہنے والے ہوں گے_______

[Waqas Dar 7,050]

 

زخم سارے ہی بھر دیے میں نے
سُکھ تری سمت کر دیے میں نے
وہ مرے سنگ تھا اداس تو پھر
رابطے ختم کر دیے میں نے
دکھ اٹھائے تو اپنے سارے سُکھ
اس کی چوکھٹ پہ دھر دیے میں نے
اب تم آئے ہو خواب لینے کو
جانے کس کو کدھر دیے میں نے
نوچتی تھیں بدن تری یادیں
ان کے ناخن کتر دیے میں نے
اب تجھے صبح تک ستائے گی
رات کے کان بھر دیے میں نے
زین وہ یاد بھی نہ رکھے گا
 جتنے احسان کر دیے میں نے