nazm bht yaad ati ha

[Hareem Naz 1,577]

بہت یاد آتی ہیں __ باتیں پرانی
یہی زندگی ___ قہقہے شادمانی
ہمیشہ حسینوں سے آنکھیں لڑانی
سدا کامیابی، سدا کامرانی
بہت یاد آتی ہیں باتیں پُرانی
وہ دن رات کوئے نگاراں کے پھیرے
وہ کمرے فیروزاں وہ زینے اندھیرے
وہ زلفوں کے حلقے وہ بانہوں کے گھیرے
وہیں مدتوں جا کے راتیں بیتانی
بہت یاد آتی ہیں __ باتیں پرانی
سجی خلوتوں میں کبھی شغلِ مینا
وہ محبوب خوش ادا خوش قرینہ
کبھی اس کے ہاتھوں سے ضد کر کے پینا
کبھی اپنے ہاتھوں سے اسکو پلانی
بہت یاد آتی ہیں __ باتیں پرانی
وہ سردی کی راتیں _ وہ جاڑے کا جوبن
لحافوں میں کم سِن دلوں کی وہ دھڑکن
چھڑانا اُن ہاتھوں سے اپنا وہ دامن
وہ آنگن میں مہکی ہوئی رات رانی
بہت یاد آتی ہیں __ باتیں پرانی
نہ وہ دل نہ وہ دل کی نادانیاں ہیں
نہ وہ ہم نہ _ وہ بزم سامانیاں ہیں
نہ وہ دوستوں کی گل افشانیاں ہیں
نہ وہ فکرِ رنگیں کی جولانیاں ہیں
گئی شعر گوئی رہی نوحہ خوانی
وہ بیتی جوانی__ وہ بیتی جوانی
بہت یاد آتی ہیں __ باتیں پرانی

[Waqas Dar 7,050]

پھر مختصر کر دی گفتگو اس نے
 پھر اس کے رابطے میں آگیا کوئی