poetry Be-Sakoon itna ky Azaar ki zid karte hain

[Waqas Dar 7,036]

ہے سکوں اتنا کہ آزار کی ضد کرتے ہیں 
 ہم وہ مجرم ہیں کہ خود دار کی ضد کرتے ہیں

تھک گیا ہوں در و دیوار سے کہتے کہتے 
 اب تو یہ غم کسی غمخوار کی ضد کرتے ہیں

ہم اصولوں کے نہیں ہم ہیں اناؤں والے
 سر کٹا دیتے ہیں دستار کی ضد کرتے ہیں

ہے تباہی کہ ہمیں راس نہیں آزادی
 ہم وہ در ہیں کہ جو دیوار کی ضد کرتے ہیں

کوئی سمجھے تو مری دھرتی کی مشکل کو ذرا
 بے وفا سب ہیں وفادار کی ضد کرتے ہیں

بہ خوشی تخت نشیں اب وہ کئے جاتے یہاں 
 زندہ بستی میں جو مردار کی ضد کرتے ہیں

خود کو بیچ آئے جو اغیار کے ہاتھوں سارے
 ہم سے وہ بھی یہاں کردار کی ضد کرتے ہیں

ہاتھ آ جائے کوئی عیب ہمارا ان کے
 سر قلم کرنے کو تلوار کی ضد کرتے ہیں

ہے گھٹن اتنی کہ لفظوں کا بھی دم گھٹتا ہے
 لوگ سادہ ہیں کہ اشعار کی ضد کرتے ہیں

مانا غفلت میں ہے ڈوبی یہ مری قوم مگر
 اب بھی زندہ ہیں جو انکار کی ضد کرتے ہیں

اپنے ہاتھوں ہی بدلنا ہے زمانہ ابرک
 کون کہتا ہے کہ بے کار کی ضد کرتے ہیں

اتباف ابرک

[jannat malik 2,205]

‏خود سے مشروط کرکے ہر رستہ

.....اب وہ کہتا ہے بھول جا مجھ کو 

[Waqas Dar 7,036]

‏جب وہ چھوڑ گیا تب دیکھا___ اپنی آنکھوں کا رنگ
حیران الگ__ پریشان الگ__سنسان الگ___بیابان الگ

[jannat malik 2,205]

زندگی کی حقیقت کو بس اتنا جانا هے

درد میں اکیلے اور خوشیوں میں زمانہ هے

[jannat malik 2,205]

ﻣﺠﮭﮯ ﺳﺎﻧﺲ ﺳﺎﻧﺲ ﮔﺮﺍﮞ ﻟﮕﮯ ﯾﮧ ﻭﺟﻮﺩ ﻭﮨﻢ ﻭ ﮔﻤﺎﮞ ﻟﮕﮯ 
__ﻣﯿﮟ ﺗﻼﺵ ﺧﻮﺩ ﮐﻮ ﮐﮩﺎﮞ ﮐﺮﻭﮞ ﻣﺮﯼ ﺫﺍﺕ ﺧﻮﺍﺏ ﻭ ﺧﯿﺎﻝ ﮨﮯ

[Waqas Dar 7,036]

رنگ باتیں کریں اور باتوں سے خوشبو آئے
درد پھولوں کی طرح مہکیں، اگر تُو آئے

بھیگ جاتی ہیں اِس اُمّید پر آنکھیں ہر شام 
شاید اِس رات وہ مہتاب لبِ جُو آئے

ہم تیری یاد سے کترا کے گزُر جاتے مگر
راہ میں پُھولوں کے لب، سایوں کے گیسُو آئے

وہی لب تشنگی اپنی، وہی ترغیبِ سراب
دشتِ معلوُم کی، ہم آخری حد چُھو آئے

سینے وِیران ہُوئے، انجمن آباد رہی 
کتنے گُل چہرے گئے، کتنے پری رُو آئے

آزمائش کی گھڑی سے گزُر آئے تو ضیا
جشنِ غم طاری ہُوا آنکھ میں آنسو آئے

ضیا جالندھری

[Zarnish Ali 7,894]

محبت مانگتی ھے یوں 
گواہی اپنے ھونے کی
کہ جیسے کوئی طفل سادہ
دن میں بیج بوئے اور
شب میں بارہا اُٹھے
زمین کو کھود کے دیکھے
کہ پودا اب کہاں پہنچا __________!!

[Waqas Dar 7,036]

میں تیرے ساتھ بجھ نہ سکا حد گزر گئی
اے شمع میں ہوں تجھ سے پشیمان الوداع

میں جا رہا ہوں اپنے بیابانِ حال میں
دامان الوداع! گریبان الوداع

اِک رودِ نا شناس میں ہے ڈوبنا مجھے
سو اے کنارِ رود ، بیابان الوداع

سہنا تو اک سزا تھی مرادِ محال کی
اب ہم نہ مل سکیں گے ، میاں جان الوداع

اے شام گاہِ صحنِ ملالِ ہمیشگی
کیا جانے کیا تھی تری ہر اک آن ، الوداع

اب میں نہیں رہا ہوں کسی بھی گمان کا
اے میرے جاں الوداع ' اے میرے مان الواداع