ghazal Ghazal- Dushwariyun Ny Rahh Ko Asaan Bana Diya

[Pink Pari👑]

••غزلِ••

دُشواریوں نے راہ کو آساں‌ بنا دیا
 ہر مرحَلے کو منزلِ جاناں بنا دیا

کتنی تھی تابِ حُسْن کہ، اُس کی نگاہ نے
 ہر آرزو کو شعلہ بداماں بنا دیا

چارہ گروں کی شعبدہ بازی پہ دل نِثار
 درماں کو درد، درد کو درماں بنا دیا

محدودِ آرزوئے مُسرّت تھا دل مِرا
 وُسعَت نے غم کی، اِس کو بیاباں بنا دیا

اک ذرۂ حقِیر کی قُوَّت تو دیکھئے
 تسخِیر کائِنات کو آساں بنا دیا

رُخ پر تِرے ٹھہر کے مِری چشمِ شوق نے
 آرائشِ جمال کو آساں بنا دیا

اک جُنْبِشِ نِگاہ بڑا کام کر گئی
 تارِ نظر کو جُزوِ رگِ جاں بنا دیا

آیا ہے وہ بھی وقت، کہ اکثر بہار نے
 ہرچاکِ گُل کو میرا گریباں بنا دیا

اخگر نِقاب اُلٹ کے، کِسی خوش جمال نے
 کارِ دِل و نِگاہ کو آساں بنا دیا 

[waqas dar⚙]

     bahtreeen intekhaab e shairy very nice @pink 

 

[Sahrish Dar⚙]

جب بچھڑنا بھی ہو تو ہنستے ہوئے جانا ورنہ
ہر کوئی روٹھ کے جانے کا سبب پوچھے گا
بشیر بدر

[Zarnish Ali👑]

رازِ الفت چھپا کے دیکھ لیا
دل بہت کچھ جلا کے دیکھ لیا
اور کیا دیکھنے کو باقی ہے
آپ سے دل لگا کے دیکھ لیا
آس اُس در سے ٹوٹتی ہی نہیں
جا کے دیکھا ، نہ جا کے دیکھ لیا
وہ مرے ہو کے بھی مرے نہ ہوئے
ان کو اپنا بنا کے دیکھ لیا
آج اُن کی نظر میں کچھ ہم نے
سب کی نظریں بچا کے دیکھ لیا
فیض تکمیلِ غم بھی ہو نہ سکی
عشق کو آزما کے دیکھ لیا
……………………………………………

[waqas dar⚙]

بتاؤ دل کی بازی میں بھلا کیا بات گہری تھی؟
 کہا، یُوں تو سبھی کچھ ٹھیک تھا پر مات گہری تھی

سُنو بارش ! کبھی خود سے بھی کوئی بڑھ کے دیکھا ہے؟
 جواب آیا، اِن آنکھوں کی مگر برسات گہری تھی

سُنو، پیتم نے ہولے سے کہا تھا کیا، بتاؤ گے؟
 جواب آیا، کہا تو تھا مگر وہ بات گہری تھی

دیا دل کا سمندر اُس نے تُم نے کیا کیا اس کا؟
 ہمیں بس ڈوب جانا تھا کہ وہ سوغات گہری تھی

وفا کا دَشت کیسا تھا، بتاؤ تُم پہ کیا بِیتی ؟
 بھٹک جانا ہی تھا ہم کو ، وہاں پر رات گہری تھی

تُم اس کے ذکر پر کیوں ڈوب جاتے ہو خیالوں میں؟
 رفاقت اور عداوت اپنی اس کی ساتھ گہری تھی

نظر آیا تمہیں اُس اجنبی میں کیا بتاؤ گے؟
 سُنو، قاتل نگاہوں کی وہ ظالم گھات گہری تھی

 

[Zarnish Ali👑]

umdaaa