اب کے ہم بچھڑے تو شاید کبھی خوابوں میں ملیں

[Urooj Butt 863]

 

اب کے ہم بچھڑے تو شاید کبھی خوابوں میں ملیں

 

جس طرح سوکھے ہوئے پھول کتابوں میں ملیں

 

ڈھونڈ اجڑے ہوئے لوگوں میں وفا کے موتی

 

یہ خزانے تجھے ممکن ہے خرابوں میں ملیں

 

غم دنیا بھی غم یار میں شامل کر لو

 

نشہ بڑھتا ہے شرابیں جو شرابوں میں ملیں

 

تو خدا ہے نہ مرا عشق فرشتوں جیسا

 

دونوں انساں ہیں تو کیوں اتنے حجابوں میں ملیں

 

آج ہم دار پہ کھینچے گئے جن باتوں پر

 

کیا عجب کل وہ زمانے کو نصابوں میں ملیں

 

اب نہ وہ میں نہ وہ تو ہے نہ وہ ماضی ہے فرازؔ

 

جیسے دو سائے تمنا کے سرابوں میں ملیں 

 

[Waqas Dar 7,131]

زمیں یہ اوپر اٹھائی جائے
اٹھا کے نیچے گرائی جائے
درندوں کے ہاتھ لگنے سے اب
خدارا جنت بچائی جائے
لگے نہ پاؤں زمیں پہ جس کے
وہ لاش کیسے اٹھائی جائے
قصاب سارے مشیر کر کے
"لہو کی قیمت لگائی جائے"
تڑپتے لاشوں پہ ترس کھا کے
کوئی تو چادر بچھائی جائے
جو ماں قیامت سے گزری اس کی
کہانی رو کر سنائی جائے
خدایا ان قاتلوں کی خاطر
زمیں پہ جنت بنائی جائے

[Bint e Hawwa 24]

[Waqas Dar 7,131]

ty