poetry سفر منزل شب یاد نہیں

[jannat malik 2,205]

 

سفر منزل شب یاد نہیں
لوگ رخصت ہوئے کب یاد نہیں
اولین قرب کی سرشاری میں
کتنے ارماں تھے جو اب یاد نہیں
دل میں ہر وقت چبھن رہتی ہے
تھی مجھے کس کی طلب یاد نہیں
بھولتے جاتے ہیں ماضی کے دیار
یاد آئیں بھی تو سب یاد نہیں
یہ بھی حقیقت ہے کہ احباب کو ہم
یاد ہی کب تھے جو اب یاد نہیں
یاد ہے سیر چراغاں ناصر
دل کے بجھنے کا سبب یاد نہیں

[Zarnish Ali 7,895]

khoob

[Kainat Khan 755]

واه..

[Waqas Dar 7,050]

اگر یہ کہہ دو، بغیر میرے
نہیں گُزارہ، تو میں تمھارا
یا اُس پہ مبنی کوئی تاثر،
 کوئی اِشارہ، تو میں تمھارا

غرور پرور ، انا کا مالک،
کچھ اس طرح کےہیں نام میرے،
مگر قسم سے جو تم نے اِک بھی
 دفعہ پکارا، تو میں تمھارا

تم اپنی شرطوں پہ کھیل کھیلو
میں جیسے چاہوں لگاؤں بازی،
اگر میں جیتا تو تم ہو میرے
 اگر میں ہارا، تو میں تمھارا

تمھارا عاشق، تمھارا مُخلص،
تمھارا ساتھی، تمھارا اپنا،
رہا نہ اِن میں سےکوئی دنیا میں
 جب تمھارا، تو میں تمھارا

تمھارا ہونے کے فیصلے کو
میں اپنی قسمت پہ چھوڑتا ہوں،
اگر مقدر کا ٹوٹا کوئی
 کبھی بهى تارا، تو میں تمهارا....