poetry Ishq mai koi raiyaat nahi milne wali

[Waqas Dar 7,036]

عشق میں کوئی رعایت نہیں ملنے والی
سوچنے کی بھی اجازت نہیں ملنے والی

حُسن قاضی ھے , محبت ھے وکیلوں میں سے
اس عدالت سے ضمانت نہیں ملنے والی

کوئی دُرہ , کوئی کوڑا , کوئی چابک لاءو
ھم کو لفظوں سے نصیحت نہیں ملنے والی

اپنی ھمت سے کوئی حشر بپا کر ڈالو
مانگنے سے تو قیامت نہیں ملنے والی

کام سمجھو گے تو پھر عشق نہ کر پاءو گے
ایسے بے گار کی اجرت نہیں ملنے والی

ملنا اگر ھو تو طبیعت کا بہانہ کیسا
سچ ھے یہ , آپ کی نیت نہیں ملنے والی

عشق جب ھو ھی گیا ھے تو تڑپنا کیسا
اس سے زیادہ تو اذیت نہیں ملنے والی

[jannat malik 2,205]

ترے نام کی تھی جو روشنی اسے خود ہی تونے بجھا دیا
نہ جلاسکی جسے دھوپ بھی اَسے چاندنی نے جلادیا

میں ہوں گردشوں میں گھرا ہوا مجھے آپ اپنی خبر نیہں
وہ شخص تھا میرا رہنما اُسے راستوں میں گنوادیا

جسے تو نے سمجھا رقیب تھا وہی شخص تیرا نصیب تھا
ترے ہاتھ کی وہ لکیر تھا اسے ہاتھ سے ہی مٹادیا

مجھے عشق ہے کہ جنون ہے ابھی فیصلہ ہی نہ ہوسکا
مرا نام زینت ِدشت تھا مجھے آندھیوں نے مٹا دیا 

یہ اداسیوں کا جمال ہے کہ ہمارا اوجِ ِکمال ہے
کبھی ذات سے چھپا لیا کبھی شہر بھر کو بتا دیا

مری عمر کا ابھی گلستان تو کھلا ہوا ضرور پر
وہ پھول تھے تیری چاہ کے انھیں موسموں نے گرا دیا۔!!🌷