وہ حرف راز کہ مجھ کو سکھا گیا ہے جنوں

[Waqas Dar 7,111]

وہ حرف راز کہ مجھ کو سکھا گیا ہے جنوں
خدا مجھے نفس جبرئیل دے تو کہوں
ستارہ کیا مری تقدیر کی خبر دے گا
وہ خود فراخی افلاک میں ہے خوار و زبوں
حیات کیا ہے ، خیال و نظر کی مجذوبی
خودی کی موت ہے اندیشہ ہائے گونا گوں
عجب مزا ہے ، مجھے لذت خودی دے کر
وہ چاہتے ہیں کہ میں اپنے آپ میں نہ رہوں
ضمیر پاک و نگاہ بلند و مستی شوق
نہ مال و دولت قاروں ، نہ فکر افلاطوں
سبق ملا ہے یہ معراج مصطفی سے مجھے
کہ عالم بشریت کی زد میں ہے گردوں
یہ کائنات ابھی ناتمام ہے شاید
کہ آرہی ہے دما دم صدائے 'کن فیکوں'
علاج آتش رومی کے سوز میں ہے ترا
تری خرد پہ ہے غالب فرنگیوں کا فسوں
اسی کے فیض سے میری نگاہ ہے روشن
اسی کے فیض سے میرے سبو میں ہے جیحوں

 

[Urooj Butt 863]

khooooooooob

[Hareem Naz 1,578]

[Waqas Dar 7,111]

thnkx both of u  

[Sherry 538]

[Waqas Dar 7,111]

4 hours ago, Safa mughal said:

 

thanks  

[evanmurray 3]

I have No words to Admire the Allama Sb..

[jannat malik 2,208]

کل کے غم و عيش پہ کچھ حق نہيں رکھتا

جو آج خود افروز و جگر سوز نہيں ہے

وہ قوم نہيں لائق ہنگامہ فردا

جس قوم کي تقدير ميں امروز نہيں ہے!

علامہ اقبال