poetry اس سے پہلے کہ بے وفا ہو جائیں

[jannat malik 2,205]

اس سے پہلے کہ بے وفا ہو جائیں
کیوں نہ اے دوست ہم جدا ہو جائیں
تو بھی ہیرے سے بن گیا پتھر
ہم بھی کل جانے کیا سے کیا ہو جائیں
تو کہ یکتا تھا بے شمار ہوا
ہم بھی ٹوٹیں تو جا بجا ہو جائیں
ہم بھی مجبوریوں کا عذر کریں
پھر کہیں اور مبتلا ہو جائیں
ہم اگر منزلیں نہ بن پائے
منزلوں تک کا راستا ہو جائیں
دیر سے سوچ میں ہیں پروانے
راکھ ہو جائیں یا ہوا ہو جائیں
عشق بھی کھیل ہے نصیبوں کا
خاک ہو جائیں کیمیا ہو جائیں
اب کے گر تو ملے تو ہم تجھ سے
ایسے لپٹیں تری قبا ہو جائیں
بندگی ہم نے چھوڑ دی ہے فرازؔ
کیا کریں لوگ جب خدا ہو جائیں 
( احمد فراز )

[Waqas Dar 7,036]

 

 

  Very Nice .   

 

---

New Content added Less than in a minutes & merged.

 

چاندنی رات کے آنچل پہ سوار اُتری ہے
 کوئی خوشبو میری دہلیز کے پار اُتری ہے

اُس میں کُچھ رنگ بھی ہیں، خواب بھی مہکار بھی ہے
 جھلملاتی ہوئی خواہش بھی ہے، انکار بھی ہے

اسی خوشبو میں کئی درد بھی افسانے بھی
 اسی خوشبو نے بنائے ہیں کئی دیوانے بھی

میرے آنچل پہ اُمیدوں کی قطار اُتری ہے
 کوئی خوشبو میری دہلیز کے پار اُتری ہے

اسی خوشبو سے کسی یاد کے در کھُلتے ہیں
 میرے پیروں سے جو لپٹے تو سفر کھُلتے ہیں

یہی خوشبو جو مجھے گھر سے اُٹھا لائی ہے
 اب کسی طور پلٹ کر نہیں جانے دیتی

میری دہلیز بلاتی ہے مجھے! لوٹ آو
 یہی خوشبو مجھے واپس نہیں آنے دیتی

رنج و غم میں ڈوبی یہ بہار اتری ہے

کوئی خوشبو میری دہلیز کے پار اُتری ہے

[jannat malik 2,205]

 

گئے دنوں کا سراغ لے کر کدھر سے آیا کدھر گیا وه 
عجیب مانوس اجنبی تھا  مجھے تو حیران کر گیا وہ 

 

[Waqas Dar 7,036]

Just now, Jannat malik said:

 

گئے دنوں کا سراغ لے کر کدھر سے آیا کدھر گیا وه 
عجیب مانوس اجنبی تھا  مجھے تو حیران کر گیا وہ 

 

 

کوئی جیتا ، کوئی مرتا ہی رہا
 عِشق اپنا کام کرتا ہی رہا

جمع خاطر کوئی کرتا ہی رہا
 دِل کا شیرازہ بِکھرتا ہی رہا

غم وہ میخانہ، کمی جس میں نہیں
 دِل وہ پیمانہ، کہ بھرتا ہی رہا

حُسن تو تھک بھی گیا ، لیکن یہ عِشق
 کارِ معشوقانہ کرتا ہی رہا

وہ مِٹاتے ہی رہے، لیکن یہ دِل
نقش بن بن کر اُبھرتا  ہی رہا

دھڑکنیں دِل کی، سبھی کُچھ کہہ گئیں
 دِل کو مَیں خاموش کرتا ہی رہا

تُم نے نظریں پھیر لیں تو کیا ہُوا
دِل مین اِک نشتر اُترتا ہی رہا

[Zarnish Ali 7,894]

رسمِ اُلفت سے کارِ رنجش تک
کچھ تو اپنے بھی سر لِیا ہوتا