poetry تجھ سے بچھڑ کے ہم بھی مقدر کے ہو گئے

[jannat malik 2,205]

تجھ سے بچھڑ کے ہم بھی مقدر کے ہو گئے
پھر جو بھی در ملا ہے اسی در کے ہو گئے
پھر یوں ہوا کہ اک غیر کو دل سے لگا لیا
اندر وہ نفرتیں تھیں کہ باہر کے ہو گئے
کیا لوگ تھے کہ جان سے بڑھ کر عزیز تھے
اب دل سے محو نام بھی اکثر کے ہو گئے
اے یاد یار تجھ سے کریں کیا شکایتیں 
اے درد ہجر ہم بھی تو پتھر کے ہو گئے
سمجھا رہے تھے مجھ کو سبھی ناصحان شہر
پھر رفتہ رفتہ خود اسی کافر کے ہو گئے
اب کے نہ انتظار کریں چارہ گر کا ہم
اب کے گئے تو کوئے ستم گر کے ہو گئے
روتے ہوئے اک جزیرہ جاں کو فراز تم
دیکھو تو کتنے شہر سمندر کے ہو گئے

[Waqas Dar 7,036]

مُسلسل ، بے منزل کے سفر میں ہوں 
تُمہارے ہی پیار کے ، سحر میں ہوں

ایسا اُجڑا کہ ، بَس نہ سکا اب تک 
دُعاؤں کی بَد دُعاؤں کے اثَر میں ہوں

لحد نہ زمیں ملی مُجھے مَر کر بھی
میں اب تک ، سفر در سفر میں ہوں

مُجھے خاک میں مِلا کر پھر سے بنا
اے چارہ گر تیرے دست ہُنر میں ہوں

اپنوں کی عنائیتیں ، غیروں کا کرم
بہار کا خزاں رسیدہ شَجر میں ہوں

[Zarnish Ali 7,894]

بَرتے کچھ امتیاز تو انسان کم سے کم
 ہو اپنے دوستوں کی تو پہچان کم سے کم

 اہل ِغرَض کسی کے ہوئے ہیں جو ہوں مرے ؟
 اِتنا تو سوچ ، اے دل ِ نادان کم سے کم

 ہوگا یہی بہت سے بہت ، جاں سے جایٔیں گے
 رہ جا ئے گی وفا کی مگر آن کم سے کم

 چلیٔے ، معاملہ یہ کِسی سَمت تو ہوا
 کم تو ہوا یہ روز کا خلجان کم سے کم

 ایسا نہیں کہ مایہء احساس بھی نہ ہو
 اِتنے نہیں ہیں بے سرو سامان کم سے کم

 ناممکنات میں سے تو شاید نہ ہو نعیم
 آمد بہار کی نہیں آسان کم سے کم

[Waqas Dar 7,036]

اک تیرے سوا ہمیں کوئی زوال نہیں
یوں تو خوش ہوں بہت
مگر حال یہ ہے میرا کوئی حال نہیں