poetry Share Your Favorite Punjabi Poetry

[Waqas Dar 7,029]

دل دے اندر خانہ کعبہ، ساڈا ہویا گھر وِچ حَج
آپ اِمام تے آپ نمازی، آپے بانگاں دیواں اَج
نیڑے آ کے ویہڑے ساڈے وَسنا ای تے وَس
چمکاں مار نہ دُوروں سانُوں، اینویں نہ پیا گَج
تیرا اِک علاج میں دَسّاں، جا کے شِیشہ ویخ
اپنا کُجھ تے نظر نہ آوے، سانُوں دَسنا ایں بَج
آپے لاوے عِشق عدالت، آپے پھائیاں پاوے
آپ وکیل تے آپے مُلزم، آپے بَنیا اپنا جَج
لَے میں پنجواں بال کے چَلّی، رکِھیں میرِیاں شَرماں
تُوں لجپال سداؤندا واصفؔ، پالِیں میری لَج

[Waqas Dar 7,029]

بڑا عشــق عشــق تــوں کرناں ایــں 
کدی عشـــق دا گُنجل کھــول تــے سہـی 
تینــوں مٹی وچ نا رول دیوے
دو پیـــار دے بول۔۔۔بول تے سہــی 
سُکــھ گھٹ تے درد ہزار مِلـــن 
کدی عشـــق نوں تکـــڑی ۔۔۔تول تے سہــی 
تیـــری ہسدی آنکــھ وی پِجــھ جاوے
کدی سانــوں اندروں پھول تــے سہـــی 
(وارث شاہ)

[Waqas Dar 7,029]

جدوں عشق دے اوکھے رستے تے

اکھاں مِيٹ کے پير ودا لئيے

فِر سڑدی ريت دا رونا کی؟

!..... فِر تھل دا شِکوہ کی کرنا

[Gold Fish 70]

ﺍﺳــــــــﺎﮞ ﭘﯿﺮﯾﮟ ﭘﺎ ﻟﺌﮯ ﮔﮭﻨﮕﮭﺮﻭ ، ﺳﺎﮈﯼ ﭘﺎﻭﮮ ﺟﻨﺪ ﺩﮬﻤﺎﻝ
ﺳـــــــــﺎﮈﯼ ﺟﺎﻥ ﻟﺒﺎﮞ ﺗﮯ آ ﺍﭘﮍﯼ ، ﺳﺎﻧﻮﮞ ﭼﮭﯿﺘﯽ ﻣﮑﮫ ﻭﮐﮭﺎﻝ

[Sahrish Dar 515]

 

💚💚,,,عمــــــــــــــــــــــــــــــــدہ,,,💚💚
زبــــــــــــــــــــــــــردست,,,
💜💜,,,اعــــــــــــــــــــــــــــــــلی,,,💜💜
شــــــــــــــــانـــــــــــــــدار,,
💛💛,,,بہتـــــــــــــــــــــــــــــــرین,💛💛
لاجـــــــــــــــــــــــــــــواب
❤❤,,,خـــــــــــــــــــــــــــــــــوب,❤

[Sahrish Dar 515]

اوہنوں کدی نئیں ماہی ملیا جیڑا دو گهراں دا سانجها
اکو پاسا رکهہ نی ہیرے ! کهیڑے رکهہ یا رانجها

[Sahrish Dar 515]

"اللہ جانے وے ماہی تیرا پیار کی اے
دل دی اداسی نہیں جاندی وے ما ھی
"تیرے کولوں دور رھناں ہو گیا محال اے
"ہر ویلے رھندا مینوں تیرا ای خیال اے
"سوچاں میں ہر ویلے اے وچار کی اے
"دل دی اداسی نئیں جاندی وے ماھی
"اللہ جانےوے ماهی تیرا پیار کی اے

[Sahrish Dar 515]

ڈاچی والیا موڑ مہار وے 
سوہنی والیا لَے چل نال وے

تیری ڈاچی دے گل وچ ٹَّلیاں
وے میں پیر مناون چَلّیاں 
تیری ڈاچی دی سوہنی چال وے 
ڈاچی والیا لَے چل نال وے

تیری ڈاچی تھلاں نوں چِیرنی 
وے میں پیراں نوں سُکھنیاں شِیرنی 
آکے تک جا ساڈا حال وے 
ڈاچی والیا لَے چل نال وے

تیری ڈاچی دے چُمنیاں پَیر وے 
تیرے سِر دی منگنی آں خیر وے
ساڈی جِندڑی نوں اِنج ناں گال وے
ڈاچی والیا لَے چل نال وے

تیری ڈاچی توں صدقے میں جانییاں
پَنجّاں پِیراں نوں پَئی میں مناونی آں
سُکھاں سُکھنیاں تیریاں لال وے 
ڈاچی والیا لَے چل نال وے

[Pink Pari 212]

کجھ وساہ نہ ساہ آئے دا مان کیہا پھر کرنا
جس جسے نوں چھنڈ چھنڈِ رکھیں خاک اندر وننجِ دھرنا
لوئِ لوئِ بھر لے کڑیئے جے تدھِ بھانڈا بھرنا
شام پئی بن شام محمد گھرِ جاندی نے ڈرنا
ـــــــــــــــــــــ
میَاں مُحمد بخشؒ عارفانہ کھڑی شریف

[Gold Fish 70]

سُفنے دے وچ ملیا ماہی تےمیں گل وچ پا لیّاں باواں
ڈر دی ماری اکھ نہ کھولاں ِکتے فیر وچھڑ نہ جاواں

میاں محمد بخش