poetry Share Your Favorite Punjabi Poetry

[Sahrish Dar]

کوئی کامل پیر فقیر دسو
جہڑا دل دے نال دعا دیوے

مایوس ھاں میں بہت عرصے توں
میرے روندے نین ھسا دیوے

[waqas dar]

بھانویں ہجر تے بھانویں وِصال ہووے 
 وکھّو وکھ دوھاں دِیاں لذّتاں نَیں

میرے سوھنیا ! جا تے ھزار واری 
!~! آجا پیاریا ! تے لکھ وار آجا ۔۔۔۔۔۔۔۔۔۔

[ROHAAN]

میں تینوں فیر ملاں گی

 

میں تینوں فیر ملاں گی
کِتھے؟ کس طرح؟ پتا نہیں
شاید تیرے تخیل دی چھنک بن کے
تیرے کینوس تے اتراں گی
یا ہورے تیرے کینوس دے اُتے
اک رہسمئی لکیر بن کے
خاموش تینوں تکدی رواں گی
یا ہورے سورج دی لو بن کے
تیرے رنگاں اچ گھُلاں گی
یا رنگاں دیاں باہنواں اچ بیٹھ کے
تیرے کینوس نو ولاں گی
پتا نئیں کس طرح، کتھے
پر تینوں ضرور ملاں گی
یا ہورے اک چشمہ بنی ہوواں گی
تے جیویں جھرنیاں دا پانی اڈ دا
میں پانی دیاں بُونداں
تیرے پنڈے تے مَلاں گی
تے اک ٹھنڈک جئی بن کے
تیری چھاتی دے نال لگاں گی
میں ہور کج نئیں جاندی
پر اینا جاندی آں
کہ وقت جو وی کرے گا
اے جنم میرے نال ٹُرے گا
اے جسم مُکدا اے
تے سب کج مُک جاندا
پر چیتیاں دے تاگے
کائناتی کنا دے ہوندے
میں انہاں کنا نو چناں گی
تاگیاں نو ولاں گی
تے تینوں میں فیر ملاں گی

امرتا پریتم