poetry Yaar ko humne Ja'a Baja'a Dekha

[Sahrish Dar 517]

یار کو ہم نے جا بجا دیکھا
کہیں ظاہر کہیں چھپا دیکھا

کہیں ممکن ہوا کہیں واجب
کہیں فانی کہیں بقا دیکھا

دید اپنے کی تھی اسے خواہش
آپ کو ہر طرح بنا دیکھا

صورتِ گُل میں کھل کھلا کے ہنسا
شکل بلبل میں چہچہا دیکھا

شمع ہو کر کے اور پروانہ
آپ کو آپ میں جلا دیکھا

کر کے دعویٰ کہیں انالحق کا
بر سرِ دار وہ کھنچا دیکھا

تھا وہ برتر شما و ما سے نیاز
پھر وہی اب شما و ما دیکھا

کہیں ہے بادشاہ تخت نشیں
کہیں کاسہ لئے گدا دیکھا

کہیں عابد بنا کہیں زاہد
کہیں رندوں کا پیشوا دیکھا

کہیں وہ در لباسِ معشوقاں
بر سرِ ناز اور ادا دیکھا

کہیں عاشق نیاز کی صورت
سینہ بریاں و دل جلا دیکھا

[Waqas Dar 7,050]

موج در مَوج ــ کناروں کو سزا مِلتی ہے
کوئی ڈُوبے ــ تو سہاروں کو سزا مِلتی ہے

میکدے سے جو نکلتا ہے ـ ـ کوئی بے نشہ
چشمِ ساقی کے ــ اِشاروں کو سزا مِلتی ہے

آپ کی زُلفِ پریشان کا تصور ـــــ توبہ
نگہت و نُور کے ــ دھاروں کو سزا مِلتی ہے

جب وہ دانتوں میں دباتے ہیں ـ ـ گُلابی آنچل
کتنے پُر کیف ــ نظاروں کو سزا مِلتی ہے

میرے پیمانے میں ـ ـ ڈھل جاتا ہے پُھولوں کا شباب 
میرے ساغرؔ میں ــ بہاروں کو سزا ملتی ہے

[ADMIN 322]

نہ جانے کتنی نگاہوں سے گر گئے ہوتے
بیاں جو حشر میں ہم وجہِ آرزو کرتے
ہوا نہ جن سے کبھی میری چشمِ تر کا علاج
وہ میرے چاک گریباں کو کیا رفو کرتے

[jannat malik 2,205]

ھم شہر جاں میں آخری نغمہ سنا چکے

یعنی کہ اب ھمارا تماشہ _____تمام شد

[Waqas Dar 7,050]

لو چل پڑا ہے آج جھولی کو جھاڑ کر 
دل جو ازل سے آپکے در کا فقیر تھا