فُضول بیٹھ کے صفحات بھرتی رہتی ہُوں

[Urooj Butt 861]

‏فُضول بیٹھ کے صفحات بھرتی رہتی ہُوں
میں اَپنے آپ کو اِلہام کرتی رہتی ہُوں
اَگر ، مگر ، نہیں ، ہرگز کی کند قینچی سے
اَنوکھے خوابوں کے پَر ، شَر کترتی رہتی ہُوں
میں سانس نگری کی بے حد عجیب مالی ہُوں
لگائے پودوں کے بڑھنے سے ڈَرتی رہتی ہُوں
نجانے کس نے اُڑا دی کہ ’’ دِن معین ہے ‘‘۔

یقین مانیے میں روز مرتی رہتی ہُوں

مرے وُجود کو اَشکوں نے گوندھ رَکھا ہے
ذِرا بھی خشک رَہوں تو بکھرتی رہتی ہُوں
دُعا کو ہاتھ اُٹھاتی تو اُس پہ حرف آتا
اَبھی تو سستی پہ اِلزام دَھرتی رہتی ہُوں
کسی کے حُسن کا ہے رُعب اِس قَدَر مجھ پر
میں خواب میں بھی گلی سے گزرتی رہتی ہُوں
بہت سے شعروں کے آگے لکھا ہے ’’ نامعلوم ‘‘۔
بہت سے شعر میں کہہ کر مکرتی رہتی ہُوں
اُدھورے قصے کئی کاندھا مانگتے ہیں مرا
میں کھنڈرات میں اَکثر ٹھہرتی رہتی ہُوں
تمام لوگ مرا آئینہ ہیں ، اُن کے طفیل
میں اَپنی ذات کے اَندر اُترتی رہتی ہُوں
بہت سے کاموں میں خود کار ہو گئی ہُوں ' 
میں خود کو کہہ کے ’’ سدھر جا ‘‘ ، سدھرتی رہتی ہُوں

 

[ADMIN 322]

 

 

💚💚,,,عمــــــــــــــــــــــــــــــــدہ,,,💚💚
زبــــــــــــــــــــــــــردست,,,
💜💜,,,اعــــــــــــــــــــــــــــــــلی,,,💜💜
شــــــــــــــــانـــــــــــــــدار,,
💛💛,,,بہتـــــــــــــــــــــــــــــــرین,💛💛
لاجـــــــــــــــــــــــــــــواب
❤❤,,,خـــــــــــــــــــــــــــــــــوب,❤