آپ سے مل کے ہم کچھ بدل سے گئے

[Urooj Butt 861]

آپ سے مل کے ہم کچھ بدل سے گئے، 
شعر پڑھنے لگے گنگنانے لگے
پہلے مشہور تھی اپنی سنجیدگی، 
اب تو جب دیکھئے مسکرانے لگے

ہم کو لوگوں سے ملنے کا کب شوق تھا، 
محفل آرائی کا کب ہمیں ذوق تھا
آپ کے واسطے ہم نے یہ بھی کیا، 
ملنے جلنے لگے، آنے جانے لگے

ہم نے جب آپ کی دیکھیں دلچسپیاں، 
آگئیں چند ہم میں بھی تبدیلیاں
اک مصور سے بھی ہوگئی دوستی، 
اور غزلیں بھی سننے سنانے لگے

آپ کے بارے میں پوچھ بیٹھا کوئی، 
کیا کہیں ہم سے کیا بدحواسی ہوئی
کہنے والی جو تھی بات ہو نہ سکی، 
بات جو تھی چھپانی، بتانے لگے

عشق بے گھر کرے، عشق بے در کرے، 
عشق کا سچ ہے کوئی ٹھکانا نہیں
ہم جو کل تک ٹھکانے کے تھے آدمی، 
آپ سے مل کے کیسے ٹھکانے لگے

جاوید اختر

 

[jannat malik 2,205]

ھمیں شوق اذیت ہے وگرنہ اس زمانے میں 
تری یادیں بھلانے کو بہت سامان رکھا ہے

[ADMIN 316]

نہ آئے تجھ کو نظر ٬ تُو مگر اُداس نہ ھو
تلاش کر ، وہ یہیں تیرے آس پاس نہ ہو

مجھے یقین نہیں ، اُس کو تیرا پاس نہ ہو
ترِا گمان نہ ھو ٬ یہ ترِا قیاس نہ ہو

وہ اور کیا کرے آخر ، اگر اُداس نہ ہو
بغیرِ عشق نہ چین آئے ، عشق راس نہ ہو

یہ کس کو لوگ لیے جا رہے ہیں کاندھوں پر
کہیں یہ شخص تمہارا وفا شناس نہ ہو

بچھڑنے والوں کو اِک دن خدا ملاتا ہے
تجھے ہماری قسم ٬ اِس قدر اُداس نہ ہو

یہ بندگی ہے ، کہ ہر حال میں ہو شکر اُس کا
ہزار کچھ ہو ، مگر کوئی ناسپاس نہ ہو

وہ ماجرا جو ہے مجنوں کے نام سے مشہور
کہیں ہمارے فسانے کا اقتباس نہ ہو

ضیائے علم و ہنر سے ہے آبروئے بشر
یہ روشنی تو ہو ، اُجلا اگر لباس نہ ہو

مزا تو جب ہے کہ ہو بات بات قند ونبات
وہ بات زہر ہے جس بات میں مٹھاس نہ ہو

ہے ایک طنز کا نشتر، دُعائے عُمرِ دراز
اُس ایک شخص کو ٬ جینے کی جس کو آس نہ ہو

نصؔیر کھیل نہیں ہے شعورِ ذات وصفات
خدا شناس کہاں وہ ٬ جو خود شناس نہ ہو

[Hareem Naz 1,576]

Nice