poetry [Punjabi] تَن دھوتا، پر مَن نہیں دھوتا، مَن مَیلے دا مَیلا

[ADMIN]

تَن دھوتا، پر مَن نہیں دھوتا، مَن مَیلے دا مَیلا

لکھ نماز ، کروڑاں سجدے
پھُوڑی اُتّے مَتھے بَھجدے
ذکر جَلی وِچ تسبی رولی
پر عیباں دی گنڈھ نہ کھولی
منبر تے لمیاں تقریراں
پاپی مَن دِیاں سو تفسیراں
ڈھینچوں سِکھیا عقل دا کھوتا
تَن دھوتا، پر مَن نہیں دھوتا، مَن مَیلے دا مَیلا

گھت مُصلّی، خیریں سَلّا
چِلّے کیتے پڑھ پڑھ اللہ
گلّاں دا کھڈکار نگلّا
من ریہا جَھلّے دا جَھلّا
عقل نے کِیتا کم اولّا
اپنے سِر وِچ ماریا کھّلا
پاپاں دے وِچ ہو گیا سوتا
تَن دھوتا، پر مَن نہیں دھوتا، مَن مَیلے دا مَیلا

ویکھن والے ویکھ نہ سَکّے
نظراں دِتّے سو سو دَھکّے
کَن وچارے سُن سُن تَھکّے
بولن والے ہوٹھ نہ اَکّے
اَج تَن تیرتھ، کل تن مَکّے
کِسے وی تھائیں مِلے نہ سکّے
ٹیں ٹیں کردا فقہ دا طوطا
!!... تَن دھوتا، پر مَن نہیں دھوتا، مَن مَیلے دا مَیلا

[waqas dar]

 

 

  Very Nice .