poetry پھر کوئی دست خوش آزار مجھے کھینچتا ہے

[Zarnish Ali 7,895]

پھر کوئی دست خوش آزار مجھے کھینچتا ہے
جذبہ عشق سرِ دار مجھے کھینچتا ہے
میں محبت کے مضافات کا باشندہ ہوں
کیوں ترا شہرِ پُر اسرار مجھے کھینچتا ہے
یہ بھی حیرت ہے عجب، خود مری تمثال کے ساتھ
آئینہ بھی پسِ دیوار مجھے کھینچتا ہے
دم بھی لینے نہیں دیتا ہے مسافت کاجنون
پَا برہنہ وہ سرِ خار مجھے کھینچتا ہے
پھر کوئی تیر ہدف کرتا ہے مشکیرہ کو
پھر کوئی دستِ کماں دار مجھے کھینچتا ہے
بولیاں جس کی لگے میں کوئی یوسف تو نہیں
کس لئے مصر کا بازار مجھے کھینچتا ہے
ہے کوئی گریہ کن حرف پسِ خیمہ جاں
پھر کوئی نالہ آزار مجھے کھینچتا ہے
تجھ کو معلوم ہے شاہدؔ بھی ہے مغرور بہت
کیوں ترا حُسن انادار مجھے کھینچتا ہے

 

[Zarnish Ali 7,895]

اک کربِ مسلسل مجھے سونے نہیں دیتا
دل صبر کا عادی، کبھی رونے نہیں دیتا۔ ۔ ۔
میں اُسکا ہوں، یہ روز تو وہ جان گیا ہے ۔ ۔
وہ کِس کا ہے، احساس یہ ہونے نہیں دیتا

[Waqas Dar 7,050]

جب بھی خوشبو سا مرے دل نے بکھرنا چاہا
رنگ پھولوں نے مرے خون میں بھرنا چاہا
راہ میں سوچ کی دیوار اٹھا دی اس نے
الجھنوں سے جو کبھی میں نے گزرنا چاہا
میری تقدیر سے وہ بابِ اثر بند ملا
جب دعاؤں کے پرندوں نے اترنا چاہا
چل دیا ساتھ ہی میرے تری یادوں کا ہجوم
راہ سے زیست کی تنہا جو گزرنا چاہا
جال پھیلا دئے کیا کیا مرے اندیشوں نے
جب بھی لمحات کی موجوں میں اترنا چاہا
بھیڑ پنگھٹ پہ چلی ساتھ مرے خوابوں کی
پیاسے نیناں کو وہاں جا کے جو بھرنا چاہا

[Zarnish Ali 7,895]

‏کیا تیرے ترکِ سفر کا ہے سبب جان لِیا
میری آنکھیں تیرے رستے سے اٹھا لے کوئی

[Zarnish Ali 7,895]

اتنے سکون سے جو مِلے جا رہے ہو تم
ایسا تو عشق ہم نے سنا ہے نہ پڑھا ہے

[Zarnish Ali 7,895]

ہاتھ اٹھاؤں 
اور 
تمہارے لیے کچھ نہ مانگوں__،؛،
یہ کیسے ممکن ھے__؟؟
تم تو میری ہر دعا سے جڑے ہو
آمین کی طرح____!

[Zarnish Ali 7,895]

وہ جو عشق پیشہ تھے
دل فروش تھے
مر گئے!
وہ ہوا کے ساتھ چلے تھے
اور ہوا کے ساتھ بکھر گئے
وہ عجیب لوگ تھے
برگِ سبز کو برگِ زرد کا روپ دھارتے دیکھ کر
رخِ زرد اشکوں سے ڈھانپ کر
بھرے گلشنوں سے
مثالِ سایۂ ابر
پل میں گزر گئے
وہ قلندرانہ وقار تن پہ لپیٹ کر
گھنے جنگلوں میں گھری ہوئی کھلی وادیوں کی بسیط دھند میں
رفتہ رفتہ اتر گئے!

[Zarnish Ali 7,895]

لگ رہا ہےجان لیوا مرحلہ آئے گا اب
آج کل اتنی جو ہم پہ مہرباں ہے زندگی

[Momina Haseeb 341]

NICE

[Zarnish Ali 7,895]

Momina Haseeb THNX

 

[Zarnish Ali 7,895]

قید غم حیات سے ہم کو چھڑا لیا 
اچھا کیا کہ آپ نے اپنا بنا ۔۔ لیا 
ہونے دیا نہ ہم نے اندھیرا شب فراق 
بجھنے لگا چراغ تو دل کو جلا لیا 
دنیا کے پاس ہے کوئی اس تنز کا جواب 
دیوانہ اپنے حال پہ خود مسکرا لیا 
چپ ہوں تمہارا درد محبت لیے ہوئے 
سب پوچھتے ہیں تم نے زمانے سے کیا لیا 
کیا بات تھی کہ خلوت ذاھد کو دیکھ کر 
رند گنہگار نے سر کو جھکا لیا 
ناقابل بیان ہیں محبت کی لزتیں 
کچھ دل ہی جانتا ہے جو دل نے مزہ لیا 
روز اذل پڑی تھی ہزاروں ہی نعمتیں 
ہم نے کسی کا درد محبت اٹھا لیا 
واقف نہیں گرفت تصور سے اے شمیم 
جو یہ سمجھ رہے ہیں کہ دامن چھڑا لیا

[Zarnish Ali 7,895]

ﻣﺠﮭﮯ ﺍﺣﺴﺎﺱ ﻟﮑﮭﻨﺎ ﮨﮯ
ﻣﺠﮭﮯ ﺍﻟﻔﺎﻅ ﻻ ﮐﺮ ﺩﻭ
ﺑﮭﻼ ﻭﮦ ﻟﻔﻆ ﮐﯿﺎ ﮨﻮﮞ ﮔﮯ ؟
ﺗﻤﮩﯿﮟ ﺟﻮ ﯾﮧ ﺑﺘﺎ ﭘﺎﺋﯿﮟ
ﮐﮧ ﻣﺠﮫ ﭘﺮ ﮐﯿﺎ ﮔﺰﺭﺗﯽ ﮨﮯ
ﺗﻤﮩﺎﺭﮮ ﮨﺠﺮ ﻣﯿﮟ ﺟﺎﻧﺎﮞ...!!

[Momina Haseeb 341]

[Waqas Dar 7,050]

Bohaaat khooob @Zarnish Ali 

---

New Content added Less than in a minutes & merged.

 

یہ بے گھری کسی آسیب کا نتیجہ نہیں 
 میں اپنے شور سے اپنا مکان چھوڑ آیا

[jannat malik 2,205]

Bohttttttttt khoooob