Urdu Poetry Hub

Message for PTI ہر اِک دے نال پنگا اوہدا ، ہر اِک نال لڑائی اے وطن میرے دی عزت غیرت دھرنیاں وچ نچائی اے اَہی پی ٹی آئی اے ، بس اَہی پی ٹی آئی اے شرم حیا دئیاں ساریاں کندھاں چھالاں مار کے ٹَپی اوئے نت سن لو لیڈر اوہدا سب توں وادہ کھپتی دو ، تِن سگڑیٹ کوکین دے پی کے ہو جاندا شدائی اے اَہی پی ٹی آئی اے ، بس اَہی پی ٹی آئی اے سچ تے اپ منا لیندا اے ، چوٹھ کدئے نہ مناں جتھے جا کے متھا ٹیکیا ، اوتھے ہی لائیاں سناں ؟ اوہی گھر دی مالک بن گئی جو بچیاں دی تائی اے اَہی پی ٹی آئی اے ، بس اَہی پی ٹی آئی اے گھر سادا پنجاب دوستو کسے نوں کھون نہیں دینا مج تے رہ گئی اک پاسے اَسی کٹا جون نہیں دینا اسی پاک وطن دی اے دھرتی لہو دے کے سجائی اے اتھ…

لمس کی آنچ پہ جذبوں نے اُبالی چائے عشق پِیتا ہے کڑک چاہتوں والی چائے کیتلی ہجر کی تھی , غم کی بنا لی چائے وصل کی پی نہ سکے ,ایک پیالی چائے میرے دالان کا منظر کبھی دیکھو آ کر درد میں ڈوبی ہوئی شام ,سوالی چائے ہم نے مشروب سبھی مضر ِ صحت ترک کئے ایک چھوڑی نہ گئی ہم سے یہ سالی , چائے یہ پہیلی کوئی بُوجھے تو کہ اُس نے کیونکر اپنے کپ سے مرے کپ میں بھلا ڈالی , چائے میں یہی سوچ رہا تھا کہ اجازت چاہوں اُس نے پھر اپنے ملازم سے منگالی چائے اس سے ملتا ہے محبت کے ملنگوں کو سکوں دل کے دربار پہ چلتی ہے دھمالی چائے رنجشیں بھول کے بیٹھیں کہیں مل کر دونوں اپنے ہاتھوں سے پِلا خیر سگالی ,چائے عشق بھی رنگ بدل لیتا ہے جان ِ احمد ! ٹ…

لطف وہ عشق میں پائے ہیں کہ جی جانتا ہے رنج بھی ایسے اٹھائے ہیں کہ جی جانتا ہے - تم نہیں جانتے اب تک یہ تمہارے انداز وہ میرے دل میں سمائے ہیں کہ جی جانتا ہے - انہی قدموں نے تمھارے انہی قدموں کی قسم خاک میں اتنے ملائے ہیں کہ جی جانتا ہے - جو زمانے کے ستم ہیں ، وہ زمانہ جانے تو نے دل اتنے ستائے ہیں کہ جی جانتا ہے - مسکراتے ھوئے وہ مجمعء اغیار کے ساتھ آج یوں بزم میں آئے ہیں کہ جی جانتا ہے - سادگی، بانکپن، اغماض، شرارت، شوخی تو نے انداز وہ پائے ہیں کہ جی جانتا ہے - کعبہ و دیر میں پتھرا گئیں دونوں آنکھیں ایسے جلوے نظر آئے ہیں کہ جی جانتا ہے - دوستی میں تری درپردہ ہمارے دشمن اس قدر اپنے پرائے ہیں کہ جی جانتا ہے - داغِ وارفتہ کو ہم …

کبھی وہ آف لائن ہے کبھی وہ آن لائن ہے مگر ای میل بھیجی ہے کہ سب اچھا ہے ، فائن ہے کسی دن پَیک کر کے میں تجھے یہ پوسٹ کردوں گا یہ دل میرا، تجھے معلوم ہے ، سونے کا کائن ہے مری آنکھوں میں آنکھیں ڈال کر باتیں نہ کر مجھ سے نشہ سا چڑھنے لگتا ہے ، تری آنکھوں میں وائن ہے اچانک لوڈ شیڈنگ میں یہ جگ مگ ہو گئی کیسے سویٹو! یہ ترے کم خواب سے چہرے کی شائن ہے اگر میں اِن وزی بل ہوں ، تو پھر مسعود سے کہ کر مرا نمبر گھُما لینا ،یہ دل کی ہاٹ لائن ہے

محبت کیا ہے____؟؟ چلو تم کو بتاتی ہوں جہاں تک میں سمجھ پائی وہاں تک ہی بتاتی ہوں محبت آسمانوں سے اترتی ایک آیت ہے میرے رب کی عنایت ہے کہیں لے جائے موسیٰ کو تجلی رب کی دکھلانے کہیں محبوب کو عرشوں پہ اپنے رب سے ملوانے کہیں سولی چڑھاتی ہے کسی منصور سرکش کو کہیں یہ بیٹھ کر روتی ہے پھر شبیر بے کس کو لگا کر آگ پانی میں ہوا میں زہر گھولے گی کرے گی رقص شعلوں پر مگر کب بھید کھولے گی کہیں یہ ایڑیاں رگڑے تو زم زم پھوٹ پڑتے ہیں نظر کر دے جو پتھر پر تو پتھر ٹوٹ سکتے ہیں کہیں یہ قیس ہوتی ہے کہیں فرہاد ہوتی ہے کہیں سر سبز رکھتی ہے کہیں برباد ہوتی ہے کہیں رانجھے کی قسمت میں لکھی اک ہیر ہوتی ہے یہ بس تحریر ہ…

‏لوگ کرتے ہیں فقط وقت گزاری، پاگل کوئی کرتا ہی نہیں بات ہماری، پاگل اس نے اک بار کہا "کوئی نہیں تم جیسا خود کو بھی لگنے لگی تب سے میں پیاری پاگل تو بھی ہنس ہنس کے کیا کرتا تھا باتیں اور میں تیری باتوں میں چلی آئی بچاری پاگل‏ ‏میں نے پوچھا کہ کوئی مجھ سے زیادہ ہے حسیں آئینہ ہنس کے یہ بولا اری جا___ری پاگل یوں نہیں ہے کہ فقط نین ہوئے ہیں میرے دیکھ کر تجھ کو ہوئی سارے کی ساری پاگل

ﺑﮩﺖ ﻣﻐﺮﻭﺭ ﭘﮭﺮﺗﺎ ﺗﮭﺎ ، ﺍَﻧﺎ ﮐﮯ ﺳﺎﺗﮫ ﺭﮨﺘﺎ ﺗﮭﺎ ﻣﺤﺒﺖ ﮐﻮ ﻓﻘﻂ ﺍِﮎ ﺳﺮﺳﺮﯼ ﺳﺎ ﺳﺎﺗﮫ ﮐﮩﺘﺎ ﺗﮭﺎ ﻣﮕﻦ ﺗﮭﺎ ﺫﺍﺕ ﻣﯿﮟ ﺍﭘﻨﯽ ، ﮐﺴﯽ ﮐﯽ ﮐﭽﮫ ﺧﺒﺮ ﻧﮧ ﺗﮭﯽ ﻓﻘﻂ ﺍﭘﻨﮯ ﮨﯽ ﻣﻄﻠﺐ ﮐﮯ ﻟﯿﮯ ﯾﮧ ﺳﺐ ﺳﮯ ﻣﻠﺘﺎ ﺗﮭﺎ ﺍﺳﮯﻣﻌﻠﻮﻡ ﺗﮏ ﻧﮧ ﺗﮭﺎ، ﮐﮧ ﺍِﺱ ﮐﯽ ﺩﮬﮍﮐﻨﯿﮟ ﺩﮬﮍﮐﻦ ﺳﮯ ﺯﯾﺎﺩﮦ ﺷﻮﺭ ﮐﺮﺗﯽ ﮨﯿﮟ ﺍِﺳﮯ ﺑﺎﻭﺭ ﮐﺮﺍﺗﯽ ﮨﯿﮟ ﮐﮧ ، " ﺍﮮ ﻣﯿﺮﮮ ﺩِﻝِ ﻧﺎﺩﺍﮞ "! " ﻣﺤﺒﺖ ﻓﺮﺽ ﮨﻮ ﻧﮧ ﮨﻮ، ﻣﺤﺒﺖ ﻗﺮﺽ ﮨﮯ ﺗﻢ ﭘﺮ، ﮐﺴﯽ ﺍﻧﺠﺎﻥ ﮨﺴﺘﯽ ﮐﺎ، ﮐﺴﯽ ﻣﻌﺼﻮﻡ ﺳﮯ ﺩِﻝ ﮐﺎ، ﺟﺴﮯ ﺗﻢ ﻧﮯ ﭼُﮑﺎﻧﺎ ﮨﮯ، ﮨﻤﺎﺭﺍ ﺷﻮﺭ ﺭُﮐﻨﮯ ﺗﮏ، ﮨﻤﺎﺭﮮ ﭼﺎﺭﻭﮞ ﺟﺎﻧﺐ ﺧﺎﻣﺸﯽ ﮐﮯ ﭘﮭﯿﻞ ﺟﺎﻧﮯ ﺗﮏ، ﺍِﺳﯽ ﺗﮭﻮﮌﮮ ﺳﮯ ﻋﺮﺻﮯ ﻣﯿﮟ، ﺗﻤﮩﯿﮟ ﻗﺮﺿﮧ ﭼﮑﺎﻧﺎ ﮨﮯ "! ﺑﺎﻵﺧﺮ، ﺩﮬﮍﮐﻨﻮﮞ ﻧﮯ ، ﺍﭘﻨﮯ ﺩِﻝ ﮐﻮ ﺭﺍﻡ ﮐﺮ ﮈﺍﻻ ﮐﺴﯽ ﺍﻧﺠﺎﻥ ﻟﻤﺤﮯ ﻣﯿﮟ ، ﮐﺴﯽ ﺍﻧﺠﺎﻥ ﮨﺴﺘﯽ ﭘﺮ ﺩِﻝِ ﻣﻐﺮﻭﺭ ﮐﯽ ﺩﮬﮍﮐﻦ ﻧﮯ ﺍﭘﻨﺎ ﮐﺎﻡ ﮐﺮ ﮈﺍﻻ ﺑﮩﺖ ﮨﯽ ﺧﺎﻣﺸﯽ ﺳﮯ ﺩِﻝ ﮐﺴ…

جب کوئی مجھے کہتا ہے نہ کہ تمہیں کوئی اور مل جائے گا تو میرا دل کرتا ہے کہ میں اپنا دل کھول کے دیکھاؤں اپنا ہر آنسو دیکھاؤں اپنے وجود میں ہر رگ دیکھاؤں جس وہ اک شخص اپنا بسیرا کر چکا ہے میرا دل کرتا ہے کہ میں چیخ چیخ کر بتاؤں کہ مل تو ہزار جائیں گے مگر اس دل کو تووہی چاہیے جو اس میں ہر سو پھیلا ہوا ہے کہاں مانتا ہے دل وہ مقام وہ جگہ کسی اور کو دینے کے لیے کہاں آسان ہوتا ہے زبردستی کسی کے لیے جگہ بنانا جہاں اک شخص رگوں میں دوڑتا ہو۔۔۔۔۔۔۔۔

ہمیں پتا ہے کہ کیسے نبھاتے پھرتے ہیں تمام لوگ ہی باتیں بناتے پھرتے ہیں وہ پاس تھا تو چھپاتے تھے ہر کسی سے اُسے جو کھو گیا ہے تو سب کو بتاتے پھرتے ہیں ہم اپنا آپ نہ وحشت میں توڑ بیٹھیں کہیں سو اپنے آپ کو خود سے چھپاتے پھرتے ہیں کسی کو حال سناتے ہوئے نہیں رونا! یہاں کے لوگ ہنسی میں اڑاتے پھرتے ہیں ہمیں ملے گا اگر تُو تو جانے کیا ہو گا ابھی ملا نہیں پھر بھی گنواتے پھرتے ہیں

انکار نہ ہو جائے اقرار کروں کیسے میں اپنی محبت کا اظہا ر کروں کیسے وہ آئے تو جانے کے اسباب لیے آئے میں روکوں تو رکنے پہ اصرار کروں کیسے وہ بات الگ سی تھی وہ موقع الگ سا تھا اب فرط محبت ہے دیدار کروں کیسے اب جا کے تو سوئے ہیں ، شب بھر کی تھکاوٹ ہے مہمان بھی در پہ ہیں ، بیدار کروں کیسے میں لہجے کی قوت کا قا ئل ہوں مگر پھربھی جب بات غلط ٹھہری سرکار کروں کیسے میں نے تو گزارش کی ، میں نے تو طلب بھیجی وہ کہتے نہیں ہیں تو تکرار کروں کیسے ساگر نے محبت کی اک طرح نئی ڈالی انکار تو مشکل ہے تو اقرار کروں کیسے

دیکھ کر اسکی دلبرانہ چُپ اوڑھ لی ہم نے عاجزانہ چُپ کچھ حقائق اسے بتانے ہیں کچھ پہ رکھنی ہے ماہرانہ چُپ

بتاؤ اب کیا لکھوں تم کو نیا اک لفظ ہو کوئی جہاں سے بات چل نکلے مری مشکل کا حل نکلے مجھے اظہار کرنا ہے کہ تم کو یہ بتانا ہے تم اکثر یادآتے ہو ❤. . . . . . بہت یاد آتے ہو

نئی رُتوں،نئی فصلوں کی تاب دے مُجھ کو میں تِیرہ بخت ہوں ،دے، آفتاب دے مُجھ کو جو مُجھ کو حوصلہ، جِینے کا حوصلہ دے دیں اُڑوں میں جِن کے سہارے وُہ خواب دے مُجھ کو یہ تُو جو خود ہی کرے شاد، پِھر کرے ناشاد یہ کیا مذاق ہے بس یہ جواب دے مُجھ کو مری بساط بھی دیکھ اے خُدا! خُدا ہے جو تُو میں جِن کا اہل ہوں ایسے عذاب دے مُجھ کو ہُوا جو مجھ پہ ہر اُس ظلم کی تلافی ہو مرے زماں!کوئی ایسا خطاب دے مُجھ کو مجھے جو دے تو کوئی نعمتِ فراواں دے تووں سا تپنے لگا ہُوں سحاب دے مُجھ کو لہو کے بیچ سے جو حِدّتِ سکوں بخشے رگوں سے خِلق ہو جو وُہ شراب دے مُجھ کو ماجد صدیقی

میری زندگی تو فراق ہے، وہ ازل سے دل میں مکیں سہی وہ نگاہِ شوق سے دور ہیں، رگِ جاں سے لاکھ قریں سہی ہمیں جان دینی ہے ایک دن، وہ کسی طرح ہو کہیں سہی ہمیں آپ کھینچئے وار پر، جو نہیں کوئی تو ہمیں سہی سرِ طور ہو سرِ حشر ہو، ہمیں انتظار قبول ہے وہ کبھی ملیں، وہ کہیں ملیں، وہ کبھی سہی وہ کہیں سہی نہ ہو ان پہ میرا جو بس نہیں، کہ یہ عاشقی ہے ہوس نہیں میں انھی کا تھا میں انھی کا ہوں،وہ میرے نہیں تو نہیں سہی مجھے بیٹھنے کی جگہ ملے، میری آرزو کا بھرم رہے تیری انجمن میں اگر نہیں، تیری اجنمن کا قریں سہی تیرا در تو ہمکو نہ مل سکا، تیری رہگزر کی زمیں سہی ہمیں سجدہ کرنے سے کام ہے، جو وہاں نہیں تو یہیں سہی میری زندگی کا نصیب ہے، نہیں دور مجھ سے قری…

ﭼﻠﻮ ﮐﭽﮫ ﺩﯾﺮ ﮨﻨﺴﺘﮯ ﮨﯿﮟ ﻣﺤﺒﺖ ﭘﺮ، ﻋﻨﺎﯾﺖ ﭘﺮ ﮐﮧ ﺑﮯ ﺑﻨﯿﺎﺩ ﮨﯿﮟ ﺑﺎﺗﯿﮟ ﺳﺒﮭﯽ ﺭﺷﺘﮯ ، ﺳﺒﮭﯽ ﻧﺎﺗﮯ ﺿﺮﻭﺭﺕ ﮐﯽ ﮨﯿﮟ ﺍﯾﺠﺎﺩﯾﮟ ﮐﮩﯿﮟ ﮐﻮﺋﯽ ﻧﮩﯿﮟ ﻣﺮﺗﺎ ﮐﺴﯽ ﮐﯽ ﻭﺍﺳﻄﮯ ﺟﺎﻧﺎﮞ ﮐﮧ ﺳﺐ ﮨﮯ ﭘﮭﯿﺮ ﻟﻔﻈﻮﮞ ﮐﺎ ﮨﮯ ﺳﺎﺭﺍ ﮐﮭﯿﻞ ﺣﺮﻓﻮﮞ ﮐﺎ ﻧﮧ ﮨﮯ ﻣﺤﺒﻮﺏ ﮐﻮﺋﯽ ﺑﮭﯽ ﺳﺒﮭﯽ ﺟﻤﻠﮯ ﺳﮯ ﮐﺴﺘﮯ ﮨﯿﮟ ﭼﻠﻮ ﮐﭽﮫ ﺩﯾﺮ ﮨﻨﺴﺘﮯ ﮨﯿﮟ ﺟﺴﮯ ﮨﻢ ﺯﯾﺴﺖ ﮐﮩﺘﮯ ﮨﯿﮟ ﮐﮧ ﻟﯿﻨﺎ ﺳﺎﻧﺲ ﺑﻦ ﺟﺲ ﮐﮯ ﮨﻤﯿﮟ ﺍﯾﮏ ﺟﺮﻡ ﻟﮕﺘﺎ ﺗﮭﺎ ﮐﮧ ﺳﻨﮓ ﺟﺲ ﮐﮯ ﮨﺮ ﺍﮎ ﻟﻤﺤﮧ ﺧﻮﺵ ﻭ ﺧﺮﻡ ﻟﮕﺘﺎ ﺗﮭﺎ ﺟﺴﮯ ﮨﻢ ﺯﻧﺪﮔﯽ ﮐﮩﺘﮯ ﺟﺴﮯ ﮨﻢ ﺷﺎﻋﺮﯼ ﮐﮩﺘﮯ ﻏﺰﻝ ﮐﺎ ﻗﺎﻓﯿﮧ ﺗﮭﺎ ﺟﻮ ﻧﻈﻢ ﮐﺎ ﺟﻮ ﻋﻨﻮﺍﻥ ﺗﮭﺎ ﻭﮦ ﻟﮩﺠﮧ ﺟﺐ ﺑﺪﻟﺘﺎ ﺗﮭﺎ ﻗﯿﺎﻣﺖ ﺧﯿﺰ ﻟﮕﺘﺎ ﺗﮭﺎ ﻭﻗﺖ ﺳﮯ ﺁﮔﮯ ﭼﻠﺘﺎ ﺗﮭﺎ ﺑﻼ ﮐﺎ ﺗﯿﺰ ﻟﮕﺘﺎ ﺗﮭﺎ ﺟﻮ ﺳﺎﯾﮧ ﺑﻦ ﮐﮯ ﺭﮨﺘﺎ ﺗﮫ ﺟﺪﺍ ﺍﺏ ﺍﺱ ﮐﮯ ﺭﺳﺘﮯ ﮨﯿﮟ ﭼﻠﻮ ﮐﭽﮫ ﺩﯾﺮ ﮨﻨﺴﺘﮯ ﮨﯿﮟ

مجھے ایسا لطف عطا کیا، جو ہجر تھا نہ وصال تھا مرے موسموں کے مزاج داں، تجھے میرا کتنا خیال تھا کسی اور چہرے کو دیکھ کر، تری شکل ذہن میں آگئی تیرا نام لے کے ملا اسے، میرے حافظے کا یہ حال تھا کبھی موسموں کے سراب میں، کبھی بام و در کے عذاب میں وہاں عمر ہم نے گزار دی، جہاں سانس لینا مُحال تھا کبھی تُو نے غور نہیں کیا، کہ یہ لوگ کیسے اُجڑ گئے؟ کوئی میر جیسا گرفتہ دل، تیرے سامنے کی مثال تھا تیرے بعد کوئی نہیں ملا، جو یہ حال دیکھ کے پوچھتا مجھے کس کی آگ جُھلسا گئی؟ میرے دل کو کس کا مَلال تھا؟ کہیں خون ِدل سے لکھا تو تھا، تیرے سال ِہجر کا سانحہ وہ ادھوری ڈائری کھو گئی، وہ نجانے کون سا سال تھا؟ اعتبار ساجد

مرا درد پھر سے غزل بنے کبھی گنگناؤ تو اس طرح۔۔۔ مرے زخم پھر سے گلاب ہوں کبھی مسکراؤ تو اس طرح۔۔۔ مری دھڑکنیں بھی لرز اٹھیں کبھی چوٹ کھاؤ تو اس طرح۔۔۔ جو نہیں تو پھر بڑے شوق سے سبھی رابطے سبھی ضابطے۔۔۔ کسی دھوپ چھاؤں میں توڑ دو نہ شکستِ دل کا ستم سہو۔۔۔ نہ سنو کسی کا عذابِ جاں نہ کسی سے اپنی خلش کہو یونہی خوش پھرو، یونہی خوش رہو۔۔۔ نہ اُجڑ سکیں ، نہ سنور سکیں کبھی دل دُکھاؤ تو اس طرح۔۔۔ نہ سمٹ سکیں ، نہ بکھر سکیں کبھی بھول جاؤ تو اس طرح۔۔۔ کسی طور جاں سے گزر سکیں کبھی یاد آؤ تو اس طرح۔۔۔

الفاظ کی اپنی ہی ایک دنیا ہوتی ہے۔ ہر لفظ اپنی ذمہ داری نبھاتا ہے، کچھ لفظ حکومت کرتے ہیں۔ ۔ ۔ کچھ غلامی۔ ۔ ۔ کچھ لفظ حفاظت کرتے ہیں۔ ۔ ۔ اور کچھ وار۔ ۔ ۔ ہر لفظ کا اپنا ایک مکمّل وجود ہوتا ہے ۔ جب سے میں نے لفظوں کو پڑھنے کے ساتھ ساتھ سمجھنا شروع کیا، تو سمجھا لفظ صرف معنی نہیں رکھتے، یہ تو دانت رکھتے ہیں۔ ۔ ۔ جو کاٹ لیتے ہیں۔ ۔ ۔ یہ ہاتھ رکھتے ہیں، جو گریبان کو پھاڑ دیتے ہیں۔ ۔ ۔ یہ پاؤں رکھتے ہیں، جو ٹھوکر لگا دیتے ہیں۔ ۔ ۔ اور ان لفظوں کے ہاتھوں میں لہجہ کا اسلحہ تھما دیا جائے، تو یہ وجود کو چھلنی کرنے پر بھی قدرت رکھتے ہیں۔ ۔ ۔ اپنے لفظوں کے بارے میں محتاط ہو جاؤ، انہیں ادا کرنے سے پہلے سوچ لو ک…

سنو جاناں جولائی آ گیا ہے گھٹن اوڑھے ہوئے دن ہیں کہ جن میں دھوب نیزے کی انی بن کر بدن کو چیرے جاتی ہے ہوا کے لمس سے نا آشنا شامیں ستاروں سے بھری راتیں کہ جن میں نیند کی دیوی بھی اکتائی سی لگتی ہے اسی بے کیف منظر میں اچانک آسماں بادل کی چادر اوڑھ لیتا ہے وہ چھاجوں مینہ برستا ہے کہ منظر جھوم اٹھتا ہے وہی موسم، وہی رت ہے کہ جب ایسے گھٹن اوڑھے ہوے دن کی برستی شام میں ہم تم فضا کی گنگناہٹ روح میں محسوس کرتے تھے کبھی بوندیں پکڑتے تھے کبھی یوں مسکراتے تھے کہ جیسے کان میں بارش نے کوئی بات کہہ دی ہو سنو جاناں وہی منظر وہی رت ہے گھٹن اوڑھے ہوئے دن ہیں فضا بھی گنگناتی ہے نجانے تم کہاں پر ہو چلے بھی آو اب جاناں تمہیں بارش بلاتی ہے.

کچھ دن تَو بسو –میری آنکھوں میں پھر خواب اگر ——ھو جاؤ تو کیا کوئی رنگ تو دو —میرے چہرے کو پھر زخم اگر ——مہکاؤ تو کیا؟؟؟ جب ھم ھی نہ مہکے , پھر صاحب تم بادِ صبا ——کہلاؤ تو کیا؟؟؟؟

ماہر_نفسیات_اور_میں کتنے سال کی ہو؟ •اٹهارہ انیس کے درمیان شاید کیا کرتی ہو؟ •سوچتی ہوں زندگی سے تنگ ہو کیا؟ •نہیں زندگی بہت پیاری ہے تو پهر مایوس کیوں ہو؟ •زخم کریدتی رہتی ہوں کیا چاہتی ہو ؟ •ہار کس سے ہارنا چاہتی ہو ؟زندگی سے؟ •زندگی سے تو کب کی جیت گئ . سانسوں سے ہارنا ہے ڈپریشن کا شکار کب سے ہو؟ •جب جب چاہوں خود کو اذیت دینا تب تب کوئی ایسی بات یا چیز جو بهول جانا چاہتی ہو اور نا کر پاتی ہو ایسا؟ •اپنا وجود اپنی عمر دیکهی ہے ؟اس عمر میں لڑکیاں حسین خواب دیکهتی ہیں ..اور تم کو دلچسبی نہیں کیا ؟ •ٹوٹے خوابوں کی کرچیاں آنکهوں میں محفوظ ہیں خدا سے دور ہو بہت ...کیسے پاو گی سکون جب اسکے پاس نہیں تم ؟ •دن رات اسکی جانب …

سنو اے چاند سے ساتھی ابھی تم کہہ رہے تھے ناں تمہیں مجھ سے محبت ہو نہیں سکتی چلو مانا کہ یہ سچ ہے مگر اے چاند سے ساتھی مجھے اتنا بتاؤ تم کہ جب موسم بدلتے ہیں گلوں میں رنگ بھرتے ہیں تو پھر کیوں مضطرب ہو کر اکیلے پن سے گھبرا کر ہوا کو آس دیتے ہو مجھے آواز دیتے ہو سنو اے چاند سے ساتھی تمہارے سامنے جب کوئی میرا نام لیتا ہے تو پھر کیوں چونک جاتے ہو چلو مانا کہ تمہیں مجھ سے محبت ہو نہیں سکتی مگر اتنا سمجھ لو تم جہاں چاہت نہیں ہوتی وہاں نفرت کے ہونے کا کوئی امکاں نہیں ہوتا سنو میرا دعوٰی ہے محبت میں جہاں نفرت نہیں ہوتی وہاں اکثر یہ دیکھا ہے اگر کچھ وقت کٹ جائے سمے کی دھول چھٹ جائے تو وحشت بھاگ جاتی ہے محبت جاگ جاتی ہے

نہ کسی کی دسترس میں تھا نہ کسی کے خواب و خیال میں مگر ایک شخص سما گیا میری ذات کے در و بام میں نہ کسی بھی نظم کا شعر تھا نہ کسی بھی لفظ کا حرف تھا مگر ایسے لفظوں میں بُن گیا مجھے خاص و خاص بنا گیا نہ کسی کی روح کا سکون تھا نہ کسی کے دل کا قرار تھا مگر ایسا جادو چلا گیا مجھے اپنا عشق چڑھا گیا تھا وہ شخص کتنا عجیب تر تھا وہ شخص کتنا قریب تر مجھے چھوڑ کر تو چلا گیا مگر عشق کرنا سکھا گیا

عُمر کا بھروسہ کیا، پَل کا ساتھ ہوجائے ایک بار اکیلے میں، اُس سے بات ہوجائے دِل کی گُنگ سرشاری اُس کو جِیت لے، لیکن عرضِ حال کرنے میں احتیاط ہوجائے ایسا کیوں کہ جانے سے صرف ایک اِنساں کے ساری زندگانی ہی، بے ثبات ہوجائے یاد کرتا جائے دِل، اور کِھلتا جائے دِل اوس کی طرح کوئی پات پات ہوجائے سب چراغ گُل کرکے اُس کا ہاتھ تھاما تھا کیا قصور اُس کا، جو بَن میں رات ہوجائے ایک بار کھیلےتو، وہ مِری طرح اور پھر جِیت لے وہ ہر بازی مجھ کو مات ہوجائے رات ہو پڑاو کی پھر بھی جاگیے ورنہ آپ سوتے رہ جائیں، اور مات ہوجائے

میں خود بھی یار تجھے بھولنے کے حق میں ہوں مگر یہ بیچ میں کمبخت شاعری اور سگریٹ

اک شخص سے ہزار تعلق کے باوجود ایسا ہوا کے ہم کوئی وعدہ نہ کر سکے ہم ایک دوسرے سے محبت کے باوجود ہم ایک دوسرے کی تمنا نہ کر سکے

چل عشق قلندر بنا مینوں کوئی اپنا رنگ چڑا مینوں میں بدصورت میں کم عقل میں اندر یار وسا بیٹھاں میرا گھر گھر چرچا پاگل دا چل تو وی پاگل بنا مینوں اک میں کملا دوجا یار کملا نِت کملے نے میرے نین اکھ کھولاں تے یار پاواں کوئی انج داجادو سکھا مینوں میرے روپ دے وچ اک روپ ہوئے لوکی دین نفیس مِثل میری اے پاگل تن نوں لا بیٹھا کوئی انج دا رُوپ چڑا مینوں جدوں وقت میرا اخیر ہوئے وچ پیراں میرے زنجیر ہوئے نچ نچ کہ یار منا لواں رَبا انج دی موت ویکھا مینوں چل عشق قلندر بنا مینوں اک وار تے یار ملا مینوں۔

سوچ کر بتاؤ نا پچھلا سال یاد ھے؟ میں نے اور تم نے جو وصل کی زمینوں پر رات کی گواھی میں اک نئے تعلق کا وہ جو بیج بویا تھا اسکا کیا ہوا آخر اس کے تن سے رشتے کی کونپلیں نہیں پھوٹیں دن کی روشنی لیکر میں نے بارھا جا کر وصل کی زمینوں پر ان چھپے خزینوں پر پیار کے سبھی منتر پڑھ کے پھونک ڈالے ھیں صبر کی کدالوں سے ھجر کے سوالوں سے اسکے چپے چپے کو کھول کھول دیکھا ھے پر وہ بیج. . . . . نامعلوم ؟ گر برا نہ مانو تم ایک بات بتلاؤ میں نے ہل چلایا تھا بیج تم نے ڈالا تھا سوچ کر بتاؤ نا تم نے بیج ڈالا تھا؟

تو بھی اب چھوڑ دے انداز ستانے والے حوصلے اب کہاں اس دل میں پرانے والے یہ خزانے ھیں زمانے سے چھپانے والے زخم ھوتے نہیں ھیں دل کے دکھانے والے تو بھی ھر چیز کی اب مجھ سے وضاحت چاھے ھو گئے تیرے بھی اسلوب پرانے والے اب اندھیروں میں یوں چپ چاپ پڑے رھتے ھیں ھم , چراغوں کو سر شام جلانے والے جن کی تقدیر میں تعبیر نہیں ھوتی ھے اب وہ آتے ھی نہیں خواب سہانے والے آشنا لذت گریہ سے کیا ھے تو نے ھو تری خیر مجھے روگ لگانے والے

View File Amrao Jaan Ada Novel Pdf by Mirza Hadi Ruswa Free Download Free download or read online another interesting Urdu book "Amrao Jaan Ada" and enjoy the fantastic debate between Mirza Hadi Ruswa and Amrao Jaan. "Amrao Jaan Ada" is the title name of this Urdu book which is authored by Mr. Mirza Mohammad Hadi Ruswa who is a famous Urdu litterateur from Lucknow, India. Mirza Hadi Ruswa is an Urdu writer and also a famous Urdu poet. He is best known for his Urdu poetry. Amrao Jan Ada Urdu book is all about the friends of the author and a young girl Amrao Jan Ada. Amrao Jan Ada is a prostitute living in Lucknow. Author Mirza Hadi Ruswa'…