Famous Urdu Poets

ایک ہی مژدہ صبح لاتی ہے دھوپ آنگن میں‌ پھیل جاتی ہے فرش پر کاغذ اڑتے پھرتے ہیں‌ میز پر گرد جمتی جاتی ہے سوچتا ہوں کہ اس کی یاد آخر اب کسے رات بھر جگاتی ہے سوگئے پیڑ جاگ اٹھی خوشبو زندگی خواب کیوں‌ دکھاتی ہے آپ اپنے سے ہم سخن رہنا ہمنشیں! سانس پھول جاتی ہے کیا ستم ہے کہ اب تِری صورت غور کرنے پہ یاد آتی ہے کون اس گھر کی دیکھ بھال کرے روز ایک چیز ٹوٹ جاتی ہے جون ایلیا ۔۔۔۔۔۔۔۔۔۔۔۔۔۔۔۔۔۔۔

……. (جون ایلیاء) ……… لمحے کو بےوفا سمجھ لیجئے جاودانی ادا سمجھ لیجئے میری خاموشئ مسلسل کو اِک مسلسل گِلہ سمجھ لیجئے آپ سے میں نے جو کبھی نہ کہا اُس کو میرا کہا سمجھ لیجئے جس گلی میں بھی آپ رہتے ہوں واں مجھے جا بہ جا سمجھ لیجئے آپ آ جایئے قریب مرے مجھ کو مجھ سے جُدا سمجھ لیجئے جو نہ پہنچائے آپ تک مجھ کو آپ اُسے واسطہ سمجھ لیجئے نہیں جب کوئی مدعا میرا کوئی تو مدعا سمجھ لیجئے جو کبھی حالِ حال میں نہ چلے اُس کو بادِ صبا سمجھ لیجئے جو کہیں بھی نہ ہو، کبھی بھی نہ ہو آپ اُس کو خدا سمجھ لیجئے …………………

حالتِ حال کے سبب، حالتِ حال ہی گئی شوق میں کچھ نہیں گیا، شوق کی زندگی گئی ایک ہی حادثہ تو ہے، اور وہ یہ کہ آج تک بات نہیں کہی گئی، بات نہیں سنی گئی بعد بھی تیرے جانِ جاں، دل میں رہا عجب سماں یاد رہی تری یہاں، پھر تری یاد بھی گئی صحنِ خیالِ یار میں، کی نہ بسر شبِ فراق جب سے وہ چاندنہ گیا، جب سے وہ چاندنی گئی اس کے بدن کو دی نمود، ہم نے سخن میں اور پھر اس کے بدن کے واسطے، ایک قبا بھی سی گئی اس کی امیدِ ناز کا، ہم سے یہ مان تھا کہ آپ عمر گزار دیجیے، عمر گزار دی گئی اس کے وصال کے لیے، اپنے کمال کے لیے حالتِ دل کہ تھی خراب، اور خراب کی گئی تیرا فراق جانِ جاں، عیش تھا کیا مرے لیے یعنی ترے فراق میں، خوب شراب پی گئی اس کی گل…

یہ دل کا چور کہ اس کی ضرورتیں تھیں بہت وگرنہ ترکِ تعلق کی صورتیں تھیں بہت ملے تو ٹوٹ کے روئے نہ کھل کے باتیں کیں کہ جیسے اب کے دلوں میں کدورتیں تھیں بہت بھلا دیئے ہیں تیرے غم نے دکھ زمانے کے خدا نہیں تھا تو پتھر کی مورتیں تھیں بہت دریدہ پیرہنوں کا خیال کیا آتا؟ امیرِ شہر کی اپنی ضرورتیں تھیں بہت فراز دل کو نگاہوں سے اختلاف رہاوگرنہ شہر میں ہم شکل صورتیں تھیں بہت احمد فراز

کیا زمانہ تھا کہ ہم روز ملا کرتے تھے رات بھر چاند کے ہمراہ پھرا کرتے تھے جہاں تنہائیاں سر پھوڑ کے سو جاتی ہیں ان مکانوں میں عجب لوگ رہا کرتے تھے کر دیا آج زمانے نے انہیں بھی مجبور کبھی یہ لوگ مرے دکھ کی دوا کرتے تھے دیکھ کر جو ہمیں چپ چاپ گزر جاتا ہے کبھی اس شخص کو ہم پیار کیا کرتے تھے اتفاقاتِ زمانہ بھی عجب ہیں ناصر آج وہ دیکھ رہے ہیں جو سنا کرتے تھے ناصر کاظمی

چشمِ گریاں میں وہ سیلاب تھے اے یار کہ بس گرچہ کہتے رہے مجھ سے مرے غم خوار کہ بس , زندگی تھی کہ قیامت تھی کہ فرقت تیری ایک اک سانس نے وہ وہ دیے آزار کہ بس , اس سے پہلے بھی محبت کا قرینہ تھا یہی ایسے بے حال ہوئے ہیں مگر اِس بار کہ بس , اب وہ پہلے سے بلا نوش و سیہ مست کہاں اب تو ساقی سے یہ کہتے ہیں قدح خوار کہ بس , لوگ کہتے تھے فقط ایک ہی پاگل ہے فرازؔ ایسے ایسے ہیں محبت میں گرفتار کہ بس

ﺷﻌﻠﮧ ﺗﮭﺎ ﺟﻞ ﺑﺠﮭﺎ ﮨﻮﮞ ﮨﻮﺍﺋﯿﮟ ﻣﺠﮭﮯ ﻧﮧ ﺩﻭ ﻣﯿﮟ ﮐﺐ ﮐﺎ ﺟﺎ ﭼﮑﺎ ﮨﻮﮞ ﺻﺪﺍﺋﯿﮟ ﻣﺠﮭﮯ ﻧﮧ ﺩﻭ ﺟﻮ ﺯﮨﺮ ﭘﯽ ﭼﮑﺎ ﮨﻮﮞ ﺗﻤﮩﯽ ﻧﮯ ﻣﺠﮭﮯ ﺩﯾﺎ ﺍﺏ ﺗﻢ ﺗﻮ ﺯﻧﺪﮔﯽ ﮐﯽ ﺩﻋﺎﺋﯿﮟ ﻣﺠﮭﮯ ﻧﮧ ﺩﻭ ﯾﮧ ﺑﮭﯽ ﺑﮍﺍ ﮐﺮﻡ ﮨﮯ ﺳﻼﻣﺖ ﮨﮯ ﺟﺴﻢ ﺍﺑﮭﯽ ﺍﮮ ﺧﺴﺮﻭﺍﻥِ ﺷﮩﺮ ﻗﺒﺎﺋﯿﮟ ﻣﺠﮭﮯ ﻧﮧ ﺩﻭ ﺍﯾﺴﺎ ﻧﮧ ﮨﻮ ﮐﺒﮭﯽ ﮐﮧ ﭘﻠﭧ ﮐﺮ ﻧﮧ ﺁ ﺳﮑﻮﮞ ﮨﺮ ﺑﺎﺭ ﺩﻭﺭ ﺟﺎ ﮐﮯ ﺻﺪﺍﺋﯿﮟ ﻣﺠﮭﮯ ﻧﮧ ﺩﻭ ﮐﺐ ﻣﺠﮫ ﮐﻮ ﺍﻋﺘﺮﺍﻑ ﻣﺤﺒﺖ ﻧﮧ ﺗﮭﺎ ﻓﺮﺍﺯ ﮐﺐ ﻣﯿﮟ ﻧﮯ ﯾﮧ ﮐﮩﺎ ﺗﮭﺎ ﺳﺰﺍﺋﯿﮟ ﻣﺠﮭﮯ ﻧﮧ ﺩﻭ ﺍﺣﻤﺪ ﻓﺮﺍﺯؔ

Itne Bhi Tou Wo Khafaa Nahi Thay Jaisay Kubhi Aashna Nahi Thay Maana Ke Behem Kahan Thay Aisay Per Yun Bhi Judaa Judaa Nahi Thay Thi Jitni Bisaat, Ki Parastish Tum Bhi Tou Koi Khudaa Nahi Thay Had Hoti Hai Tanz Ki Bhi Aakhir Ham Tere Nahi Thay, Jaa Nahi Thay Kis Kis Se Nibhaatay Rafaaqat Hum Loog Ke Bewafa Nahi Thay Rukhsat Howa Wo Tou Mein Ne Dekha Phool Itnay Bhi Khushnuma Nahi Thay Thay Yun Tou Hum Oski Anjuman Mein Koi Hamain Dekhta, Nahi Thay Jab Osko Tha Maan Khud Pe Kia Kia Tab Ham Bhi “Faraz” Kia Nahi Thay

دن کو مسمار ہوئے ، رات کو تعمیر ہوئے خواب ھی خواب فقط ، روح کی جاگیر ہوئے عمر بھر لکھتے رہے ، پھر بھی ورق ساده رہا جانے کیا لفظ تھے ، جو ھم سے نا تحریر ھوئے یہ الگ دکھ ہے کے ، ہاں تیرے دکھوں سے آزاد یہ الگ قید ہے ہم ، کیوں نا زنجیر ہوئے دیده و دل میں تیرے ، عکس کی تشکیل سے ہم دھول سے پھول ہوئے ، رنگ سے تصویر ہوئے کچھ نهیں یاد گزشتہ شب کی محفل میں فراز هم جدا کس سے ہوئے ، کس سے بغل گیر ہوئے

ﻧﻈﺮ ﺁﺗﺎ ﮬﮯ ﮐﮧ ﺗﻢ ﮬﻮ ﺍﮮ ﺟﺎﻥِ ﺟﮩﺎﮞ ، ﯾﮧ ﮐﻮﺋﯽ ﺗﻢ ﺳﺎ ﮬﮯ ، ﮐﮧ ﺗﻢ ﮬﻮ ﯾﮧ ﺧﻮﺍﺏ ﮬﮯ ، ﺧﻮﺷﺒﻮ ﮬﮯ ، ﺟﮭﻮﻧﮑﺎ ﮬﮯ ﮐﮧ ﭘﻞ ﮬﮯ ﯾﮧ ﺩﮬﻨﺪ ﮬﮯ ، ﺑﺎﺩﻝ ﮬﮯ ، ﺳﺎﯾﮧ ﮬﮯ ، ﮐﮧ ﺗﻢ ﮬﻮ ؟؟ ﺍﺱ ﺩﯾﺪ ﮐﯽ ﺳﺎﻋﺖ ﻣﯿﮟ , ﮐﺌﯽ ﺭﻧﮓ ﮬﯿﮟ ﻟﺮﺯﺍﮞ ﻣﯿﮟ ﮬﻮﮞ , ﮐﻮﺋﯽ ﺍﻭﺭ ﮬﮯ , ﺩﻧﯿﺎ ﮬﮯ ، ﮐﮧ ﺗﻢ ﮬﻮ ؟؟ ﺩﯾﮑﮭﻮ ﯾﮧ ﮐﺴﯽ ﺍﻭﺭ ﮐﯽ ﺁﻧﮑﮭﯿﮟ ﮬﯿﮟ , ﮐﮧ ﻣﯿﺮﯼ ؟؟ ﺩﯾﮑﮭﻮ ﯾﮧ ﮐﺴﯽ ﺍﻭﺭ ﮐﺎ ﭼﮩﺮﮦ ﮬﮯ ، ﮐﮧ ﺗﻢ ﮬﻮ ﯾﮧ ﻋﻤﺮ ﮔﺮﯾﺰﺍﮞ , ﮐﮩﯿﮟ ﭨﮭﮩﺮﮮ ﺗﻮ ﯾﮧ ﺟﺎﻧﻮﮞ ﮨﺮ ﺳﺎﻧﺲ ﻣﯿﮟ ﻣﺠﮫ ﮐﻮ ﯾﮩﯽ ﻟﮕﺘﺎ ﮬﮯ ، ﮐﮧ ﺗﻢ ﮬﻮ ﮬﺮ ﺑﺰﻡ ﻣﯿﮟ ﻣﻮﺿﻮﻉِ ﺳﺨﻦ ﺩﻝِ ﺯﺩﮔﺎﮞ ﮐﺎ ﺍﺏ ﮐﻮﻥ ﮬﮯ , ﺷﯿﺮﯾﮟ ﮬﮯ ، ﻟﯿﻠﯽٰ ﮬﮯ ، ﮐﮧ ﺗﻢ ﮬﻮ ﺍﮎ ﺩﺭﺩ ﮐﺎ ﭘﮭﯿﻼ ﮬُﻮﺍ , ﺻﺤﺮﺍ ﮬﮯ ﮐﮧ ﻣﯿﮟ ﮬُﻮﮞ ﺍﮎ ﻣﻮﺝ ﻣﯿﮟ ﺁﯾﺎ ﮬُﻮﺍ ﺩﺭﯾﺎ ﮬﮯ ، ﮐﮧ ﺗﻢ ﮬﻮ ﻭﮦ ﻭﻗﺖ ﻧﮧ ﺁﺋﮯ , ﮐﮧ ﺩﻝِ ﺯﺍﺭ ﺑﮭﯽ ﯾﮧ ﺳﻮﭼﮯ ﺍﺱ ﺷﮩﺮ ﻣﯿﮟ ﺗﻨﮩﺎ ﮐﻮﺋﯽ ﮬﻢ ﺳﺎ ﮬﮯ ، ﮐﮧ ﺗﻢ ﮬﻮ ﺁﺑﺎﺩ ﮬﻢ ﺁ…

اے خدا جو بھی مجھے پندِ شکیبائی دے اس کی آنکھوں‌کو مرے زخم کی گہرائی دے تیرے لوگوں سے گلہ ہے مرے آئینوں کو ان کو پتھر نہیں‌ دیتا ہے تو بینائی دے جس کی ایما پہ کیا ترکِ تعلق سب سے اب وہی شخص مجھے طعنۂ تنہائی دے یہ دہن زخم کی صورت ہے مرے چہرے پر یا مرے زخم کو بھر یا مجھے گویائی دے اتنا بے صرفہ نہ جائے مرے گھر کا جلنا چشم گریاں نہ سہی چشمِ تماشائی دے جن کو پیراہنِ توقیر و شرف بخشا ہے وہ برہنہ ہیں‌ انہیں‌ خلعتِ رسوائی دے کیا خبر تجھ کو کہ کس وضع کا بسمل ہے فراز وہ تو قاتل کو بھی الزامِ مسیحائی دے

نہ جانے ظرف تھا کم یا انا زیادہ تھی کلاہ سر سے تو قد سے قبا زیادہ تھی رمیدگی تھی تو پھر ختم تھا گریز اس پر سپردگی تھی تو بے انتہا زیادہ تھی غرور اس کا بھی کچھ تھا جدائیوں کا سبب کچھ اپنے سر میں بھی شاید ہوا زیادہ تھی وفا کی بات الگ پر جسے جسے چاہا کسی میں حسن، کسی میں ادا زیادہ تھی فراز اس سے وفا مانگتا ہے جاں کے عوض جو سچ کہیں تو یہ قیمت ذرا زیادہ تھی احمد فراز

اس نہیں کا کوئی علاج نہیں روز کہتے ہیں آپ آج نہیں کل جو تها آج وہ مزاج نہیں اس تلوان کا کچھ علاج نہیں کهوٹے داموں میں یہ بھی کیا ٹهرا در ہم داغ کا رواج نہیں دل لگی کیجئے رقیبوں سے اس طرح کا مرا مزاج نہیں عشق ہے بادشاہ عالم گیر گر چہ ظاہر میں تخت و تاج نہیں حور سے پوچھتا ہوں جنت میں اس جگہ کیا بتوں کا راج نہیں صبر بھی دل کو داغ دے لیں گے ابھی کچھ اس کی احتیاج نہیں داغ دہلوی ۔۔۔۔۔۔۔۔۔۔۔۔۔۔۔۔۔۔۔۔۔

ﻟﺒﻮﮞ ﭘﮧ ﭘُﮭﻮﻝ ﮐِﮭﻠﺘﮯ ﮨﯿﮟ ﮐﺴﯽ ﮐﮯ ﻧﺎﻡ ﺳﮯ ﭘﮩﻠﮯ ﺩِﻟﻮﮞ ﮐﮯ ﺩﯾﭗ ﺟﻠﺘﮯ ﮨﯿﮟ ﭼﺮﺍﻍِ ﺷﺎﻡ ﺳﮯ ﭘﮩﻠﮯ ﮐﺒﮭﯽ ﻣﻨﻈﺮ ﺑﺪﻟﻨﮯ ﭘﺮ ﺑﮭﯽ ﻗِﺼّﮧ ﭼﻞ ﻧﮩﯿﮟ ﭘﺎﺗﺎ ﮐﮩﺎﻧﯽ ﺧﺘﻢ ﮨﻮﺗﯽ ﮨﮯ ﮐﺒﮭﯽ ﺍﻧﺠﺎﻡ ﺳﮯ ﭘﮩﻠﮯ ﯾﮩﯽ ﺗﺎﺭﮮ ﺗﻤﮩﺎﺭﯼ ﺁﻧﮑﮫ ﮐﯽ ﭼﻠﻤﻦ ﻣﯿﮟ ﺭﮨﺘﮯ ﺗﮭﮯ ﯾﮩﯽ ﺳُﻮﺭﺝ ﻧﮑﻠﺘﺎ ﺗﮭﺎ ﺗُﻤﮩﺎﺭﮮ ﺑﺎﻡ ﺳﮯ، ﭘﮩﻠﮯ ﺩِﻟﻮﮞ ﮐﯽ ﺟﮕﻤﮕﺎﺗﯽ ﺑﺴﺘﯿﺎﮞ ﺗﺎﺭﺍﺝ ﮐﺮﺗﮯ ﮨﯿﮟ ﯾﮩﯽ ﺟﻮ ﻟﻮﮒ ﻟﮕﺘﮯ ﮨﯿﮟ ﻧﮩﺎﯾﺖ ﻋﺎﻡ ﺳﮯ ﭘﮩﻠﮯ ﮨﻮﺋﯽ ﮨﮯ ﺷﺎﻡ ﺟﻨﮕﻞ ﻣﯿﮟ ﭘﺮﻧﺪﮮ ﻟﻮﭨﺘﮯ ﮨﻮﻧﮕﮯ ﺍﺏ ﺍُﻥ ﮐﻮ ﮐِﺲ ﻃﺮﺡ ﺭﻭﮐﯿﮟ، ﻧﻮﺍﺡِ ﺩﺍﻡ ﺳﮯ ، ﭘﮩﻠﮯ ﯾﮧ ﺳﺎﺭﮮ ﺭﻧﮓ ﻣُﺮﺩﮦ ﺗﮭﮯ ﺗﻤﮩﺎﺭﯼ ﺷﮑﻞ ﺑﻨﻨﮯ ﺗﮏ ﯾﮧ ﺳﺎﺭﮮ ﺣﺮﻑ ﻣﮩﻤﻞ ﺗﮭﮯ ﺗﻤﮩﺎﺭﮮ ﻧﺎﻡ ﺳﮯ ﭘﮩﻠﮯ ﮨُﻮﺍ ﮨﮯ ﻭﮦ ﺍﮔﺮ ﻣُﻨﺼﻒ ﺗﻮ ﺍﻣﺠﺪ ﺍﺣﺘﯿﺎﻁً ﮨﻢ ﺳﺰﺍ ﺗﺴﻠﯿﻢ ﮐﺮﺗﮯ ﮨﯿﮟ ﮐﺴﯽ ﺍﻟﺰﺍﻡ ﺳﮯ ﭘﮩﻠﮯ ﺍﻣﺠﺪ ﺍﺳﻼﻡ ﺍﻣﺠﺪ

چہرے پہ میرے زلف کو پھیلاؤ کسی دن کیا روز گرجتے ہو برس جاؤ کسی دن رازوں کی طرح اترو میرے دل میں کسی شب دستک پہ میرے ہاتھ کی کھل جاؤ کسی دن پیڑوں کی طرح حسن کی بارش میں نہالوں بادل کی طرح جھوم کے گھِر آؤ کسی دن خوشبو کی طرح گزرو میرے دل کی گلی سے پھولوں کی طرح مجھ پہ بکھر جاؤ کسی دن پھر ہاتھ کو خیرات ملے بندِ قبا کی پھر لطفِ شب وصل کو دھراؤ کسی دن گزریں جو میرے گھر سے تو رک جائیں ستارے اس طرح میری رات کو چمکاؤ کسی دن میں اپنی ہر اک سانس اسی رات کو دے دوں سر رکھ کے میرے سینے پہ سو جاؤ کسی دن

ﺍﻭﺭ ﮐﭽﮫ ﻧﮩﯿﮟ ﺑﺪﻻ " ﺁﺝ ﺑﻌﺪ ﻣﺪﺕ ﮐﮯ ﻣﯿﮟ ﻧﮯ ﺍُﺱ ﮐﻮ ﺩﯾﮑﮭﺎ ﮬﮯ ﻭﮦ ﺫﺭﺍ ﻧﮩﯿﮟ ﺑﺪﻟﯽ . ﺍﺏ ﺑﮭﯽ ﺍﭘﻨﯽ ﺁﻧﮑﮭﻮﮞ ﻣﯿﮟ ﺳﻮ ﺳﻮﺍﻝ ﺭﮐﮭﺘﯽ ﮬﮯ ﭼﮭﻮﭨﯽ ﭼﮭﻮﭨﯽ ﺑﺎﺗﻮﮞ ﭘﮧ ﺍﺏ ﺑﮭﯽ ﮐﮭﻞ ﮐﮯ ﮬﻨﺴﺘﯽ ﮬﮯ ﺍﺏ ﺑﮭﯽ ﺍُﺱ ﮐﮯ ﻟﮩﺠﮯ ﻣﯿﮟ ﻭﮬﯽ ﮐﮭﻨﮑﮭﻨﺎﮨﭧ ﮬﮯ ﻭﮦ ﺫﺭﺍ ﻧﮩﯿﮟ ﺑﺪﻟﯽ ﺍﺏ ﺑﮭﯽ ﺍُﺱ ﮐﯽ ﭘﻠﮑﻮﮞ ﮐﮯ ﺳﺎﺋﮯ ﮔﯿﻠﮯ ﺭﮬﺘﮯ ﮬﯿﮟ ﺍﺏ ﺑﮭﯽ ﺍُﺱ ﮐﯽ ﺳﻮﭼﻮﮞ ﻣﯿﮟ ﻣﯿﺮﺍ ﻧﺎﻡ ﺭﮬﺘﺎ ﮬﮯ ﺍﺏ ﺑﮭﯽ ﻣﯿﺮﯼ ﺧﺎﻃﺮ ﻭﮦ ﺍُﺱ ﻃﺮﺡ ﮨﯽ ﭘﺎﮔﻞ ﮬﮯ ﻭﮦ ﺫﺭﺍ ﻧﮩﯿﮟ ﺑﺪﻟﯽ . ﺁﺝ ﺑﻌﺪ ﻣﺪﺕ ﮐﮯ ﻣﯿﮟ ﻧﮯ ﺍُﺱ ﮐﻮ ﺩﯾﮑﮭﺎ ﮬﮯ ﺗﻮ ﻣﺠﮭﮯ ﺑﮭﯽ ﻟﮕﺘﺎ ﮬﮯ ﻣﯿﮟ ﺑﮭﯽ ﺍُﺱ ﮐﯽ ﭼﺎﮬﺖ ﻣﯿﮟ ﺍُﺱ ﻃﺮﺡ ﮬﯽ ﭘﺎﮔﻞ ﮬﻮﮞ ﺑﻌﺪ ﺍﺗﻨﯽ ﻣﺪﺕ ﮐﮯ ﺍﻭﺭ ﮐﭽﮫ ﻧﮩﯿﮟ ﺑﺪﻻ ﺟُﺰ ﮬﻤﺎﺭﮮ ﺭﺍﺳﺘﻮﮞ ﮐﮯ ﺍﻭﺭ ﮐﭽﮫ ﻧﮩﯿﮟ ﺑﺪﻻ " ﻋﺎﻃﻒ ﺳﻌﯿﺪ "

ﮨﺎﺗﻬﮧ ﮨﺎﺗﻬﻮﮞ ﻣﯿﮟ ﺟﺐ ﺗﻤﮩﺎﺭﺍ ﺗﻬﺎ ﺧﻮﺍﺏ ﻭﮦ ﺯﻧﺪﮔﯽ ﺳﮯ ﭘﯿﺎﺭﺍ ﺗﻬﺎ ﻣﯿﮟ ﻧﮯ ﺩﯾﮑﻬﮯ ﺗﻬﮯ ﺧﻮﺍﺏ ﻣﯿﮟ ﺁﻧﺴﻮ ﯾﮧ ﺑﻬﯽ ﺷﺎﯾﺪ ﮐﻮﺋﯽ ﺍﺷﺎﺭﮦ ﺗﻬﺎ ﺟﻮ ﺍﺑﻬﯽ ﺁﺳﻤﺎﮞ ﺳﮯ ﭨﻮﭨﺎ ﮨﮯ ﻭﮦ ﻣﯿﺮﮮ ﺑﺨﺖ ﮐﺎ ﺳﺘﺎﺭﺍ ﺗﻬﺎ ﺗﻢ ﻣﺠﻬﮯ ﻏﯿﺮ ﮨﯽ ﺳﻤﺠﻬﮧ ﻟﯿﺘﮯ ﯾﮧ ﺳﺘﻢ ﺑﻬﯽ ﻣﺠﻬﮯ ﮔﻮﺍﺭﮦ ﺗﻬﺎ ﺍﮎ ﻗﺪﻡ ﺑﻬﯽ ﺑﮍﻫﺎ ﻧﮩﯿﮟ ﮐﻮﺋﯽ ﻣﯿﮟ ﻧﮯ ﮐﺲ ﺁﺱ ﺳﮯ ﭘﮑﺎﺭﺍ ﺗﻬﺎ ﮈﺭ ﺭﮨﺎ ﺗﻬﺎ ﺟﻮ ﺑﻬﯿﮍ ﺳﮯ ﻋﺎﻃﻒ ﺍﺱ ﮐﻮ ﺗﻨﮩﺎﺋﯿﻮﮞ ﻧﮯ ﻣﺎﺭﺍ ﺗﻬﺎ !!... ﻋﺎﻃﻒ ﺳﻌﯿﺪ —

ابھی کچھ اور کرشمے غزل کے دیکھتے ہیں فراز اب ذرا لہجہ بدل کے دیکھتے ہیں جدائیاں تو مقدر ہیں پھر بھی جان سفر کچھ اور دور ذرا ساتھ چل کے دیکھتے ہیں رہ وفا میں حریف خرام کوئی تو ہو سو اپنے آپ سے آگے نکل کے دیکھتے ہیں تو سامنے ہے تو پھر کیوں یقیں نہیں آتا یہ بار بار جو آنکھوں کو مل کے دیکھتے ہیں یہ کون لوگ ہیں موجود تیری محفل میں جو لالچوں سے تجھے ، مجھ کو جل کے دیکھتے ہیں یہ قرب کیا ہے کہ یک جاں ہوئے نہ دور رہے ہزار ایک ہی قالب میں ڈھل کے دیکھتے ہیں نہ تجھ کو مات ہوئی ہے نہ مجھ کو مات ہوئی سو اب کے دونوں ہی چالیں بدل کے دیکھتے ہیں یہ کون ہے سر ساحل کے ڈوبنے والے سمندروں کی تہوں سے اچھل کے دیکھتے ہیں ابھی تلک تو نہ کندن …

Aadat Hi Bana Li Hai Is Sheher Ke Logon Ne Andaaz Badal Lena, Awaaz Badal Lena Duniya Ki Muhabbat Main Atwaar Badal Lena Mosam Jo Naye Aaye Raftaar Badal Lena Aghyaar Wohi Rakhna Aehbaab Badal Lena Aadat Hi Bana Li Hai Es Shehar Ke Logon Ne Rasty Main Agar Milna Nazron Ko Jhuka Lena Awaaz Agar Do To Katra Ke Nikal Jana Har Ek Say Juda Rehna Har Ek Say Khafa Rehna Har Ek Ka Gila Karna Jaty Hoye Raahi Ko Manzil Ka Pata Day Kar Rasty Main Rula Dena Aadat Hi Bana Li Hai Es Sheher Ke Logon Ne........ Parveen Shakir

شاخِ مِژگانِ محبّت پہ سجا لے مجھ کو برگِ آوارہ ہُوں، صرصر سے بچا لے مجھ کو رات بھر چاند کی ٹھنڈک میں سُلگتا ہے بدن کوئی تنہائی کے دَوزخ سے نکِالے مجھ کو مَیں تِری آنکھ سے ڈھلکا ہُوا اِک آنسو ہُوں تو اگر چاہے، بِکھرنے سے بچا لے مجھ کو شب غنیمت تھی ، کہ یہ زخم نظارہ تو نہ تھا ڈس گئے صُبحِ تمنّا کے اُجالے مجھ کو میں مُنقّش ہُوں تِری رُوح کی دِیواروں پر تو مِٹا سکتا نہیں بُھولنے والے مجھ کو تہہ بہ تہہ موج ِ طلب کھینچ رہی ہے، مُحسنؔ کوئی گرداب ِ تمنّا سے نِکالے مجھ کو محسن نقوی

ﭨﮭﻮﮐﺮ ﻟﮕﯽ ﺗﻮ۔۔۔۔۔۔۔۔۔ ﺍﭘﻨﮯ ﻣﻘﺪﺭ ﭘﮧ ﺟﺎ ﮔﺮﺍ ﭘﮭﺮ ﯾﻮﮞ ﮨﻮﺍ ﮐﮧ۔۔۔۔۔۔۔۔ ﺁﺋﯿﻨﮧ ﭘﺘﮭﺮ ﭘﮧ ﺟﺎ ﮔﺮﺍ ﺍﺣﺴﺎﺱِ ﻓﺮﺽ ﺟﺐ ﺑﮭﯽ ﮨﻮﺍ ﻧﯿﻨﺪ ﺁ ﮔﺌﯽ ﭼﻠﻨﺎ ﺗﮭﺎ ﭘﻞِ ﺻﺮﺍﻁ ﭘﺮ۔۔۔۔۔۔۔ ﺑﺴﺘﺮ ﭘﮧ ﺟﺎ ﮔﺮﺍ ﺑﺎﺯﯼ ﻣﺤﺒﺘﻮﮞ ﮐﯽ ﺟﮩﺎﻟﺖ ﻧﮯ ﺟﯿﺖ ﻟﯽ ﻭﮦ ﺑﻦ ﮔﯿﺎ ﺧﻄﯿﺐ ﺟﻮ۔۔۔۔۔۔۔۔ ﻣﻤﺒﺮ ﭘﮧ ﺟﺎ ﮔﺮﺍ ﺧﻮﺷﺒﻮ ﻗﺼﻮﺭ ﻭﺍﺭ ﻧﮩﯿﮟ ﺍﺱ ﮐﻮ ﭼﮭﻮﮌ ﺩﻭ ﻣﯿﮟ ﭘﮭﻮﻝ ﺗﻮﮌﺗﮯ ﮨﻮﺋﮯ۔۔۔۔۔ ﺧﻨﺠﺮ ﭘﮧ ﺟﺎ ﮔﺮﺍ ﺻﺤﺮﺍﺅﮞ ﻣﯿﮟ ﻟﺌﮯ ﭘﮭﺮﮮ ﭘﺎﻧﯽ ﮐﯽ ﺟﺴﺘﺠﻮ ﺟﺐ ﭘﯿﺎﺱ ﻣﺮ ﮔﺌﯽ ﺗﻮ۔۔۔۔۔۔۔ ﺳﻤﻨﺪﺭ ﭘﮧ ﺟﺎ ﮔﺮﺍ ﺷﮩﺮِ ﻃﻠﺐ ﻣﯿﮟ ﺗﮭﯽ ﺍﺗﻨﯽ ﺍﻭﻗﺎﺕ ﻣﯿﺮﯼ ﺳﮑﮯ ﮐﯽ ﻃﺮﺡ۔۔۔۔۔۔۔۔۔ ﺩﺷﺖِ ﮔﺪﺍﮔﺮ ﭘﮧ ﺟﺎ ﮔﺮﺍ ﻗﺎﻧﻮﻥ ﻧﮯ ﺟﻮ ﺩﮬﻮ ﺩﯾﺎ ﻣﺠﺮﻡ ﮐﯽ ﺁﻧﮑﮫ ﺳﮯ ﻭﮦ ﺩﺍﻍ ﺑﮯ ﮔﻨﺎﮦ ﮐﯽ۔۔۔۔۔۔۔۔۔۔۔۔ ﭼﺎﺩﺭ ﭘﮧ ﺟﺎ ﮔﺮﺍ ﺳﺐ ﻟﻮﮒ ﺑﮯ ﻭﻓﺎﺋﯽ ﮐﯽ ﺧﻨﺪﻕ ﻣﯿﮟ ﺟﺎ ﭼﮭﭙﮯ ﻣﻠﺒﮧ ﻣﺤﺒﺖ ﮐﺎ۔۔۔۔۔۔۔۔۔۔۔۔۔۔۔۔۔۔۔۔۔ ﻣﺤﺴﻦ ﭘ…

کِسی کا درد ہو دِل بے قرار اپنا ہے ہَوا کہِیں کی ہو، سینہ فگار اپنا ہے ہو کوئی فصل مگر زخم کِھل ہی جاتے ہیں سدا بہار دلِ داغدار اپنا ہے بَلا سے ہم نہ پیئیں، میکدہ تو گرم ہُوا بقدرِ تشنگی رنجِ خُمار اپنا ہے جو شاد پھرتے تھے کل، آج چُھپ کے روتے ہیں ہزار شُکر غمِ پائیدار اپنا ہے اِسی لیے یہاں کُچھ لوگ ہم سے جلتے ہیں کہ جی جلانے میں کیوں اِختیار اپنا ہے نہ تنگ کر دلِ مخزوں کو اے غمِ دنیا ! خُدائی بھر میں یہی غم گسار اپنا ہے کہیں مِلا تو کِسی دن منا ہی لیں گے اُسے وہ ذُود رنج سہی ، پھر بھی یار اپنا ہے وہ کوئی اپنے سِوا ہو تو اُس کا شِکوہ کرُوں جُدائی اپنی ہے اور انتظار اپنا ہے نہ ڈھونڈھ ناصرِ آشفتہ حال کو گھر میں وہ بُوئے گُل کی طرح بے قرار اپ…

دل میں اب یوں ترے بھولے ہوئے غم آتے ہیں جیسے بچھڑے ہوئے کعبے میں صنم آتے ہیں ایک اک کر کے ہوئے جاتے ہیں تارے روشن میری منزل کی طرف تیرے قدم آتے ہیں رقصِ مے تیز کرو، ساز کی لے تیز کرو سوئے مے خانہ سفیرانِ حرم آتے ہیں کچھ ہمیں کو نہیں احسان اُٹھانے کا دماغ وہ تو جب آتے ہیں، مائل بہ کرم آتے ہیں اور کچھ دیر گزرے شبِ فرقت سے کہو دل بھی کم دکھتا ہے، وہ یاد بھی کم آتے ہیں فیض احمد فیض ۔۔۔۔۔۔۔۔۔۔۔۔۔۔۔۔۔۔۔۔

نگاہوں کے تصادم سے عجب تکرار کرتا ہے یقین کامل نہیں لیکن گماں ہے پیار کرتا ہے لرز جاتی ہوں میں یہ سوچ کر کہیں کافر نہ ہو جائوں دل اس کی پوجا پہ بڑا اصرار کرتا ہے اسے معلوم ہے شاید میرا دل ہے نشانے پر لبوں سے کچھ نہیں کہتا نظر سے وار کرتا ہے میں اس سے پوچھتی ہوں خواب میں مجھ سے محبت ہے پھر آنکھیں کھول دیتی ہوں وہ جب اظہار کرتا ہے پروین شاکر

یاد کیا آئیں گے وہ لوگ جو آئے نہ گئے کیا پذیرائی ہو اُن کی جو بُلائے نہ گئے اب وہ نیندوں کا اُجڑنا تو نہیں دیکھیں گے وہی اچھّے تھے جنھیں خواب دکھائے نہ گئے رات بھر میں نے کھُلی آنکھوں سے سپنا دیکھا رنگ وہ پھیلے کہ نیندوں سے چُرائے نہ گئے بارشیں رقص میں تھیں اور زمیں ساکت تھی عام تھا فیض مگر رنگ کمائے نہ گئے پَر سمیٹے ہوئے شاخوں میں پرندے آ کر ایسے سوئے کہ ہَوا سے بھی جگائے نہ گئے تیز بارش ہو ، گھنا پیڑ ہو ، اِک لڑکی ہو ایسے منظر کبھی شہروں میں تو پائے نہ گئے روشنی آنکھ نے پی اور سرِ مژگانِ خیال چاند وہ چمکے کہ سُورج سے بجھائے نہ گئے پروین شاکر

مستیء حال کبھی تھی ، کہ نہ تھی ، بھول گئے یاد اپنی کوئی حالت نہ رہی ، بھول گئے یوں مجھے بھیج کے تنہا سر بازار فریب کیا میرے دوست میری سادہ دلی بھول گئے میں تو بے حس ہوں ، مجھے درد کا احساس نہیں چارہ گر کیوں روش چارہ گری بھول گئے؟ اب میرے اشک محبت بھی نہیں آپ کو یاد آپ تو اپنے ہی دامن کی نمی بھول گئے اب مجھے کوئی دلائے نہ محبت کا یقیں جو مجھے بھول نہ سکتے تھے وہی بھول گئے اور کیا چاہتی ہے گردش ایام کہ ہم اپنا گھر بھول گئے ، ان کی گلی بھول گئے کیا کہیں کتنی ہی باتیں تھیں جو اب یاد نہیں کیا کریں ہم سے بڑی بھول ہوئی ، بھول گئے

اے دردِ ہجر یار غزل کہہ رہا ہوں میں بے موسمِ بہار غزل کہہ رہا ہوں مہیں میرے بیانِ غم کا تسلسل نہ ٹوٹ جائے گیسئوں ذرا سنوار غزل کہہ رہا ہوں میں راز و نیازِ عشق میں کیا دخل ہے تیرا ہٹ فکرِ روزگار غزل کہہ رہا ہوں میں ساقی بیانِ شوق میں رنگینیاں بھی ہو لا جامِ خوشگوار غزل کہہ رہا ہوں میں تجھ سا سخن شناس کو ئی دوسرا نہیں سن لے خیالِ یار غزل کہہ رہا ہوں میں ناصر کاظمی

میں تھک گیا ہوں اساطیر جمع کرتے ہوئے گذشتگاں کی تصاویر جمع کرتے ہوئے میں سوچتا ہوں ابھی تک کہ کتنا پیچھے ہوں اُس ایک شام کی تاخیر جمع کرتے ہوئے کسی کی بزم میں دل کیا غزل سرا ہوتا گزر گیا میں مزامیر جمع کرتے ہوئے نظر گلاب ِ لب و رخ سے شرمسار نہیں بیاضِ آبِ طباشیر جمع کرتے ہوئے میں صوفیا کے مزاروں پہ عمر بھر منصور پھرا ہوں لفظ میں تاثیر جمع کرتے ہوئے اک ایک وصل کا اسباب جمع کرتے ہوئے گنوائیں آنکھیں کہیں خواب جمع کرتے ہوئے گرفتِ شب میں تھے سو 'چشمہ جھیل' میں اپنی یہ عمر گزری ہے مہتاب جمع کرتے ہوئے ہوئی نہ بلب کے جتنی بھی روشنی ہم سے ہزار کرمک ِ شب تاب جمع کرتے ہوئے بنا لیا ہے سمندر طلب کی نائو میں سیاہ بختی کے گرداب جمع …

میرے خوابوں کے جھروکوں کو سجانے والی تیرے خوابوں میں کہیں میرا گزر ہے کہ نہیں پوچھ کر اپنی نگاہوں سے بتا دے مجھ کو میری راتوں کے مقدر میں سحر ہے کہ نہیں چار دن کی یہ رفاقت جو رفاقت بھی نہیں عمر بھر کے لیے آزار ہوئی جاتی ہے زندگی یوں تو ہمیشہ سے پریشاں سی تھی اب تو ہر سانس گراں بار ہوئی جاتی ہے میری اجڑی ہوئی نیندوں کے شبستانوں میں تو کسی خواب کے پیکر کی طرح آئی ہے کبھی اپنی سی، کبھی غیر نظر آئی ہے کبھی اخلاص کی مورت کبھی ہرجائی ہے پیار پر بس تو نہیں ہے مرا لیکن پھر بھی تو بتا دے کہ تجھے پیار کروں یا نہ کروں تو نے خود اپنے تبسم سے جگایا ہے جنہیں ان تمناوں کا اظہار کروں یا نہ کروں تو کسی اور کے دامن کی کلی ہے لیکن میری راتیں تری…

کیا کرے میری مسیحائی بھی کرنے والا زخم ہی یہ مجھے لگتا نہیں بھرنے والا زندگی سے کسی سمجھوتے کے باوصف اب تک یاد آتا ہے کوئی مارنے، مرنے والا اُس کو بھی ہم تیرے کُوچے میں گزار آئے ہیں زندگی میں وہ جو لمحہ تھا سنورنے والا اُس کا انداز سُخن سب سے جُدا تھا شاید بات لگتی ہوئی، لہجہ وہ مُکرنے والا شام ہونے کو ہے اورآنکھ میں اِک خواب نہیں کوئی اِس گھر میں نہیں روشنی کرنے والا دسترس میں ہیں عناصر کے ارادے کس کے سو بِکھر کے ہی رہا کوئی بکھرنے والا اِسی اُمّید پہ ہر شام بُجھائے ہیں چراغ ایک تارا ہے سرِ بام اُبھرنے والا